投票結果 (人民幣會否大幅貶值?)

會 2 (14%)
唔會 12 (85%)

大多數讀者都唔認為會大幅貶值。

今日曹sir (2008-12-31)

今日係2008年最後一日，祝福各位新年進步！

- 12月30日，周二。恒生指數跌92.98，收14235.50；成交263.79億元。12月期指升58點，收14376點；1月期指跌67點，收14244點。除夕股市十分混亂，繼續個別發展。

- 中美利差存在，令資金流向中國，一旦人民幣完成大幅減息，小心資金由淨流入變成淨流出。

- 展望2009年上半年，相信美元滙價將繼續走強，令人民幣兌其他非美元貨幣進一步升值。

- 全球去槓桿化操作令美元保持強勢，直到2009年下半年美元滙價才會轉弱。

- 美國債市可能出現倒V形走勢，即2008年下半年急升，明年上半年急跌。

- 前總統克仔嘅經濟顧問Martin N. Baily認為，美國已到咗十分危險嘅水平，未來問題唔係經濟幾時復甦，而係2009年美國會否陷入蕭條（因2008年GDP已出現負增長）。

- 未來大趨勢將係「中國雄起」。

- 2008年開始中國經濟進入轉型期，估計需時三年，即2010年底前中國經濟應進入另一上升周期；

- 中國經濟轉型嘅最大阻力，係中國現今仍然國富民窮。

- 如要進入內需帶動型經濟，必須將依家嘅國富民窮情況扭轉為國窮民富，例如全面降低稅收、提供社會福利、努力還富於民，不然內需型經濟無法喺中國境內出現。

- 事實上，恒指跌到10月27日喺10678點獲支持，完成量度跌幅，11月份出現一浪高於一浪，即短期可睇好，估計高潮喺2009年年初。上述分析乃理性預期，並非預測。

- 2007年起西方經濟已完成第一衰敗循環周期，東方經濟亦完成第一個興盛循環周期，步入第二個大循環周期。西方經濟將迅速下滑、東方經濟將迅速冒起。作為投資者，宜向東望，而非向西走……。

- 依家一部分劣質企業倒閉後，生產資源集中响一些優質企業，便有更大嘅議價能力，一雙鞋售價又升上12美元；加上原材料價格大幅下調，對生存下來嘅優質企業 而言，呢次倒閉潮反而係利好因素！嗰D抓技改、重研發、做品牌嘅企業不但未受倒閉潮影響，反而壯大起來。《人民日報》認為，只要捱過2009年第一季，東 莞便有更美好嘅明天！

- 從在港上市嘅工業股股價表現睇，正是春江水暖鴨先知。資本主義制度下，汰弱留強無法避免。我老曹12月已開始推介各工業股矣。

今日曹sir (2008-12-30)

- 12月29日，周一。恒生指數升144.34，收14328.28；成交219.5億元。12月期指升198點，收14318點。股市繼續個別發展。(低水10點，反映唔到後市。成交真係好低。股資者都淡出了？)

- John Hussman博士估計，今年10月開始聯儲局透過寬鬆貨幣政策，逼令美元滙價及利率下跌，美國債券市值則上升26％。

- 呢類人為性操控可維持幾耐？結果只有兩個：
一、如美元滙價穩定，美國債券將大跌；
二、如美債穩定，美元滙價將大跌；兩者唔可能並存。

- 我老曹傾向相信係前者而非後者，即美元滙價2009年將穩定下來，美國債券價格則大跌。

- 歐盟則威脅向WTO投訴。睇嚟唔使幾耐聯儲局再不能撳住美元滙價及利率，如此一來，美債有可能响2009年大跌！

- 以1930年代為例，大跌市後亦有一段日子係二線股表現較大企業出色。通常喺衰退中期（即熊市二期），二線股便會有出色表現；但熊市一期及熊市三期，二線股跌幅則較大。

- 2007至08年過去呢十二個月內，細價股跌幅太大，令未來下跌風險大大收窄，例如電子股可實行「Buy the Dips」（過度被拋售者可吸納）。地產股短期痛苦、長期獲利，只要有耐性，總可等到美好明天。至於能源股同資源股，便「Buy Vale」（偏低時才吸納）。(應該所有股票都係低買高賣吧？)

- 瑞銀估計2009年金價可能見300美元一盎斯，主要係各國央行積極拋售黃金以獲取資金，去修復各大銀行嘅資產負債表。

- 換言之，自10月份起各位所睇到嘅歐洲銀行資產負債表並未充分反映真實一面。上述決定令全球股市11月起回升，但同時延長金融股嘅調整期（因為衰嘢可以分階段入賬）；銀行股喺可見將來仍缺乏吸引力。

- 最近三天內地A股有二十八家公司限售股面臨解禁，其中二十二家就喺本周一，周二五家、周三一家。短期A股面對嘅大小非減持壓力好大。

- 投資並冇長線、短線之分，喺唔適當時刻做長線投資，係絕對錯誤嘅決定！投資應論勢而行及重視策略運用，與長線、短線無關。

- 內地專家認為，2009年A股係「猴市」，上蹦下跳，相當於香港1982年12月至84年7月股市炒上炒落。

今日曹sir (2008-12-29)

- 12月28日，周日。2008年仲有三個交易天就結束。由去年11月至今年聖誕節前，全球股票市場失去32萬億美元市值。

- 如今十年期國庫券孳息只有2.17厘；反之，道指息率卻有3.64厘. (因為股票風險較高。)

- 九十年代美股牛市由科技股引發，2003年牛市由商品價格上升引發，下一個牛市由邊個行業引發？目前仍無頭緒。

- 2008年係持盈保泰年、2009年係低買高賣年，愈接近10600點愈可買，愈接近250天移動平均線愈要賣，利用波幅去賺錢。

- 呢次衰退呈U形嘅機會甚大，亦有可能係L形或者W形，但一定唔係V形（1981至84年香港嗰次衰退就係W形，1997至2003年上次衰退亦係W形）。 (V同W，要事後先知。重有，V又要V幾耐？個人認為所謂V形W形，可以不理。)

- 展望2009年，ARM因唔少樓按首三年低息供款期結束，令供樓利息一下子急升，我老曹擔心ARM市場將出問題。 (WIKI)

-2009年1月22日奧巴馬正式上台，但可能係最後一個好消息（1月效應），之後股市又會再回落。(Sell in January?)

- 美國M2過去三個月以年率19％嘅速度上升，或每天110億美元，上述係令國庫券價格大升、息率大跌嘅理由。

- 美國11月份新屋銷售較10月份下降2.9％，較估計嘅下跌4.2％為好；新屋銷售較去年11月同期下跌35.2％，為1991年1月以來最差。

- 2008年美國聖誕節銷售較2007年同期減少4％，根據萬事達卡計算係2002年以來最差嘅一年。其中女性時裝減少23％、男性少減14％、電子及電器產品少減27％；網上購物好DD，只減少2.3％（上述跌幅同聖誕節前嘅惡劣天氣有關）。(網上購物應該係未來幾年幾重要，亞洲地區既網上購物唔流行，反而可能係重要商機！)

- 特區政府以為向深圳市民開放便可吸引深圳人來港消費，深圳各大百貨商場不但輕輕將之化解，反而吸引更多港人去深圳消費。(暫時對此消息有保留。)

- 代表美國商業樓如商場及寫字樓嘅Spxcus指數已出現令人擔心嘅走勢，恐怕2009年美國商業樓價同商場售價均大幅回落。另一指數Reits & Fixed Income Indices and Funds亦令人擔心）。(樓市下調週期由住宅開始，到商場及寫字樓樓價下跌，應該步入尾聲。)

- 2009年奧巴馬上台亦計劃大搞基建，中國政府亦已宣布大搞基建，連香港特區政府亦大搞基建。未來建築股有冇前途?! (建築股類如生產建築用機械既股份，會唔會得益？)

- 2009年中國政府可能共購入一百萬噸鋁、三十萬噸鋅……政府正趁資產價格便宜增加存量。

- 擔心明年1月債券市場將大跌！CRB商品指數7月至今嘅下降通道仍十分良好（已回落55％），短期或有反彈。

- 2009年通脹唔似可以回升，少數技術上表現較好嘅項目有黃金，金價可能在轉勢。踏入12月美元滙價急跌，理由係12月8日聯儲局宣布採取量化寬鬆貨幣政策【圖】。

- 2009年唔係冇搵錢機會，而係必須充分掌握風險回報率，即Risk / Reward，股市嚴重偏低時可以博，一旦重返合理水平便獲利回吐（當RSI與股價出現背馳時可博，愈接近250天線愈唔好博）

今日曹sir (2008-12-24)

- 今天恒指又跌401.6，收14220.79；成交319億元。12月期指跌488點，收14201點；1月期指跌490點，收14190點低水，聖誕前夕睇嚟股市凶多吉少。(尋日曹sir應為可以升，不過最終都要跌！所以期指係唔係反映後市，真係好難講既~)

- 投資者不會忘記2008年，情況有如1974年、1982年或1998年及2003年。最惡劣日子係咪已過去？信用卡貸款及其他商業貸款仍然係計時炸彈，相信金融股（或銀行股）仍未見底。

- 美元利率已回落至0.25厘，令資金無法呆在銀行，係今年11月起股市進入熊市二期嘅另一理由。

- 至於經濟前景展望，响美國樓價未見底前係無法復甦（日本及香港過去早已證明呢點），如樓價唔止跌回升，銀行係無法增加借貸（因為磚頭乃最佳抵押品）；冇信貸膨脹，經濟好極有個譜。

- 中國三個月內第五次減息，依家一年期存款利率已降至2.25厘，相信仍有減息空間。皇家蘇格蘭銀行估計，明年中國GDP增長率只有5％。上述一切都話畀大家知，2009年經濟環境仍在轉壞。

- 今年12月13日Pomboy接受《巴隆氏》訪問，佢認為，依家係美國經濟衰退嘅「初階」，聯儲局仍努力推人們去冒險，透過零利率政策逼人們購入15厘息以上嘅垃圾債券或8.5厘息投資級債券。隨着去槓桿化發展落去，呢D債券發行機構嘅還款能力令人質疑。

- 明年投資者希望賺取10％回報亦唔容易，如美元滙價轉弱，擔心美債孳息率將止跌回升，引發美債下跌！

- 擔心呢次美國經濟進入一浪接一浪回落而非周期性調整（Secular decline, not cyclical）。

- 應付次按危機嘅正確態度係鼓勵儲蓄，過幾年緊日子，而非刺激消費，令衰退沒完沒了。銀行必須重建資本，金融市場必須重建信用

- 今天「政治正確」嘅政策往往「經濟錯誤」，透過印刷鈔票刺激經濟，或遲或早令債券泡沫爆破，到時股市將進入熊市三期。

- 今年11月起熊市二期出現嘅理由，係用傳統計算法（例如O），現水平股票十分有吸引力；但如從去槓桿化角度睇，企業純利喺2009及2010年仍將萎縮， 今天認為有吸引力嘅股價，如以2009或2010年純利計，便變成毫無吸引力。此乃熊市必須經歷一期、二期及三期嘅理由。

- 商品價格今年下半年才開始大幅回落，但跌幅極急，或有反彈，大方向仍係向下。

今日曹sir (2008-12-23)

- 12月22日，周一。恒生指數跌505.12，收14622.39；成交364億元。

- 今天12月期指跌306點，收14689點，高水，代表周二港股有條件上升。

- 今年珠三角工廠出現「大生」（有人賺大錢）及「大死」（有人蝕大本），出現「西瓜靠大邊」嘅情況（大廠因訂單充足，受惠於原材料跌價或日圓升值利潤急升；細廠因訂單不足，只有關門大吉）。(聯想 同 Foxconn 都跌到好低，但佢兩個都有國際品牌，應該可以反彈。 個人較喜歡聯想。)

- 類似1973年股市嘅情況，相信將在今年重演。大部分投資者開始對股市失去信心而退出，理由係2007-08年過去十二個月內，唔少投資者何止燒傷手指咁簡單？好多曾令人充滿信心嘅大企業、大機構，居然可以一夜間破產或消失。

- 2007年10月高點要幾耐才打破？恐怕係十年八載後嘅事，因為去年8月至10月恒指由20000點升上32000點，背後原因係謠傳港股直通車一個十分唔實在嘅理由。

- 明年有冇1月效應？歷史告訴我地，每年11月、12月同1月都係股票市場最易上升嘅月份，所以有「5月出貨、10月入貨」之說。

- 在恒生指數未低於50天移動平均線之前，我老曹傾向相信明年有1月效應。

- 明年美國將進入零利率時代（Zero Interest Rate Policy，簡稱ZIRP），上述策略九十年代日本曾經採用並證明失敗；點解在日本失敗嘅貨幣政策，在美國可以成功？

- 所謂加息減息，其實只係「打劫紅毛鬼、進貢法蘭西」而已。

- 今天借大錢者係大戶，存錢者反而係普通人，減息乃典型「劫貧濟富」行為，絕對唔公平。(但係，當窮人佔比例愈多，佢地就愈惡。)

- 美國係低儲蓄率民族，零利率計劃如令外資放棄持有美債，將引爆另一泡沫。(中國都話唔會無條件買美債.....)

- 2006年最先爆破嘅泡沫係樓市，然後係股市，今年係金價，最後擔心係債市。

- 2009年嘅優勢係，股市經過2007-08年十二個月下跌，恒指在10月27日10676點水平已極度超賣，來自250天線嘅「拉力」令股市應有一段小陽春。

- 不過，上述暗湧只能浮起舢舨仔，但浮唔起航空母艦，因為市場資金供應仍在減少，企業獲利率繼續下滑。

- 未來形勢係：一、國際商品價格暴跌，令生產商手上存貨只有蝕本出售，造成企業純利下降甚至虧損。二、另一方面，新接訂單又因原材料價暴跌而令利潤急升，可 惜呢D利潤要到明年第一季才入賬（即聖誕節前交貨嘅訂單蝕本，明年復活節前交貨嘅訂單賺大錢）。三、一般人只睇到製造業今年「失速」，卻睇唔到明年第一季 即將出現嘅純利。基於股價走在經濟之前三到六個月，唔排除工業股股價在今年第四季見底回升！(大家請努力做功課！大家可留意電池市場，電池心好多用日本貨，日元上升會唔會對某D公司有正面作用。又例如LED。)

- 反之，香港、深圳加上澳門及珠海，中國境內四大特區，可合併成一個互通有無嘅超級大都會，能夠提供嘅服務甚至超過倫敦同紐約，成為全球上最多姿多采、最寬、最厚、最有活力嘅大都會。

今日曹sir (2008-12-22)

- 呢次美國採用量化鬆動銀根政策後，道指由11月21日7449.38回升，到底係熊市二期反彈，還是熊市結束？

- 如以移動平均線作為牛熊市分界（已經算係最冇爭議嘅方法），道指必須50天線（依家喺8702點）重返200天線（11062點）之上五個交易天才行。

- 現水平道指只完成最小反彈（接觸50天線），距離確認牛市仍十分遙遠。

- 至於恒生指數今年3月才出現50天線跌破250天線，偏偏就响呢個水平，恒生指數開始反彈並重返250天移動平均數之上。

- 上述行為叫做「吻別」，我老曹今年5月已強調「Sell in May and walk away」，至今50天線再冇重返250天線之上，已證明5月重返250天乃吻別而非牛市重臨。

- 睇見D半桶水專家亂用移動平均線組合，有時真係想笑出嚟，不過無謂教精佢。

- 歐羅之父蒙代爾上周六估計，歐盟將喺明年第三季或第四季復甦；最悲觀係日本。至於中國，應有兩年GDP低增長期，內地房地產最快2010年下半年才能復甦。

- 彭博報道，中國經濟仍在迅速下滑，相信中央好快會推出第二套經濟刺激方案。

- 殊仔宣布批出134億美元畀GM同佳士拿，令佢地多一百零二天壽命，並希望佢地重新商討勞工合約及進行裁員計劃，不然三個多月後便面對破產。

- 响熊市二期只能發掘偏低嘅二線股作炒賣，又係樂趣之一。今年10月至今唔少二線股已回升50％或以上，有D更達100％，例如新濠國際（200），此乃熊市中保持30％資金喺股市中活動嘅樂趣。

- 熊市二期只須分析未來三至六個月前景已經足夠，毋須分析十二個月或以上嘅問題；揀股對象就係未來三至六個月有一定抗跌力嘅股份（或跌幅過大嘅股份），呢D大部分係二線股。至於點樣分辨「山羊」同「綿羊」？便需要經驗同埋智慧。 (你又有冇咁既能力、時間?)

- 至於地產股，到今年11月香港地產股可睇好（因利率下降），內房股仍在分辨龍與鳳（良莠不齊）。

- 熊市二期仍能上升嘅股份，需要：一、良好資產負債表；二、良好現金流；三、抗跌力高；四、擁有別人不能模仿嘅科技；五、有一定派息。

- 2009年將係工業股復甦期（因衰極必盛）。(Foxconn?)

- 去年11月係人家貪心我擔心期，今年11月起就係人家擔心我貪心期。今天各位不應膽怯而不敢承擔風險。喺熊市二期投機，膽識同分析均重要。

- OPEC主席認為油價已見底。

今日曹sir (2008-12-20)

今日(12-26)開始睇番依幾日既曹sir，因為上星期外遊去了。

- 12月19日，周五。恒生指數跌370.30，收15127.51；成交573.8億元。12月期指跌405點，收14995點，低水，後市繼續調整。(期指由17號開始轉淡)

- 滬深三百指數升0.34％，收2052.11。國企指數仍然在8000點之上，技術表現仍佳。

- 油價低於45美元，連沙地阿拉伯亦蝕本；油價低於75美元，則俄羅斯蝕本；委內瑞拉更需125美元才能收支平衡。(但，油價同油股出現背馳，係咪代表油價見底？)

- 去槓桿化繼續把被認為係高風險嘅借款人拒諸門外；加上銀行為增加股本與貸款比率而縮減資產負債結構（變相收縮借貸），並非「量化鬆動銀根」可改變。(Quantitative Easing)

- 日本減息至0.1厘，因經濟迅速惡化，估計2008／09年度GDP收縮0.8%；日圓升至87.141兌1美元。

- 白宮準備讓通用汽車或佳士拿進入有秩序破產，讓它們申請破產保護令，兩公司已宣布暫停生產汽車一個月；相信有秩序地讓兩大汽車集團破產，乃最佳決定。(點解唔賣比日本或中國？有可能破產前，最top既engineer已經被其他車廠邀請過擋)

- 聯儲局拚命減息及放寬信貸，已形成另一泡沫──債券泡沫，一旦爆破，才是福無雙至、禍不單行。

- 假如聯儲局最後一招quantitative easing仍唔奏效，即明年年底美國GDP仍無法恢復增長，咁就係咁先。

- 標普五百及道指在可見將來重新接近今年11月低點嘅機會存在；我老曹堅信現階段只係熊市二期而唔係牛市，唔好妖言惑眾！

- 港人喜歡搵快錢心態，令投資缺乏長遠眼光，應該及早拋棄嘅低端產業至今仍在經營，一場金融海嘯，搞到珠三角工廠人仰馬翻。

- 八十年代之後香港所走嘅路，未必適合2008年後嘅中國；中國只能走上台灣及南韓之路，即透過科技創新去提升人均GDP。

祝大家聖誕快樂

遲jor一日，因為剛剛外遊歸來，anyway，希望大家聖誕及新年快樂！

今日曹sir (2008-12-19)

- 12月18日，周四。恒生指數今天低開高收，收報15497.81，升37.29；成交522.6億元。不過，12月期指跌124點，收15400點，低水。擔心周五港股回落。(今日美股HSBC大跌，幾可肯定港股冇運行。)

- 12月17日中國警告，唔會無限期咁借錢畀美國也，希望美國抓住時機，進行必要嘅經濟改革。詳見《中國日報》。

- 滬深A股近日响1900至2100點窄幅上落，成交較上周減少63％。三條移動平均線已經黏埋一齊，既係壓力亦係支持，相信自11月起A股進入牛皮市。(牛皮市唔係牛市!!)

- 標普五百指數已重返50天線，係另一良好訊號；VIX亦由11月21日高點80回落至家吓52.37，一旦低於50，可令美股進一步上升。我老曹對美股後市繼續抱樂觀態度。(!?)

- 2009年又點？我地面對零利率時代，到時唔少人將從事利差交易，即係借美元揸美債（或美股）。

- 2009年股市仍然唔係樂園，你需要有專業分析能力，才能捕捉每個 up and down。(你要花好多精力去贏錢! 大家記往計自己負出既人力成本。)

- 亞伯達省所有新項目都停工，仲有南非及中國嘅煤變油計劃；南非已停工，中國則仍繼續極可能成為蝕本嘅生意。所有生物燃料計劃亦受威脅，冇人知道未來油價向邊個方向走。Do the Right Thing 真係唔容易。(所謂再生能源，可能又冇之前咁受歡迎，因為油價平~~~)

- 未來十年，Rules of Money 係儲蓄與節約、風險管理，股票市場重返正常水平（再唔係往日嘅賭場），即重返六十、七十年代嘅情況，唔再係1982至2007年咁樣；整個社會甚至全人類都逐漸重返六十年代嗰段 Good Oldies 日子。(個人認為依家先係賭場!!!)

- 因此，明年美元展開新一輪上升浪機會甚大，因為利率已降至0.25厘嘅美元，已無法招架其他貨幣再減息。

今日曹sir (2008-12-18)

- 12月17日，周三。美元減息至接近零，令道指大升4.2％，收8924.14。港股今天高開後出現獲利回吐，全日只升330.31，收 15460.52；成交564億元。12月期指升437點，收15506點；但1月期指升401點，收15482點。從呢點睇，港股正進入消化期。

- 2008年係中國經濟運行由升轉降嘅一年，上述情況受美國及歐洲經濟因素影響，亦係中國結構調整及發展公式轉變所影響，令中國經濟開始步入下行通道，5月份CPI 開始回落（4月份升幅8.5％，11月份僅為2.4％）。

- 作為央行，干預經濟嘅方法除咗利率外，仲有滙率、流動性比率（Liquidity）及資產負債表（Portfolio Balance），從而影響實質利率，達到阻止通縮出現嘅目的。最後能否成功？2009年便知道。我老曹能夠告訴大家嘅係──唔好睇少政府干預嘅能力。

- 美元貶值後，歐羅同英鎊又點應付？佢地減息空間較美元大，如佢地再減息、再貶值去回應美國呢次大幅減息，咁又點辦?! (減息利好乜野可參考羅家聰。)

- 反之石油淨入口國如中國及印度嘅貿易盈餘可大幅上升，同時令CPI回落，帶嚟經濟良性效果。如配合良好財政刺激方案，唔排除內地股市牛市重臨。

- 作為聰明人並唔一定需要牛市去搵錢嘅，好多時上落市更易賺錢。(要係上落市賺錢所花既精力可能比牛市高，例如你要日日睇住個市，依D都係你既成本！)

- 金價又閃閃生輝，但未宜投資，相信金價只喺750至850美元之間上上落落，喺850美元以上又可獲利回吐，預測只係行range。

- 金價與金礦股走勢背馳，你信邊個？我老曹嘅結論係，金價喺850美元之上，並冇投資價值也。

- 依家股市仍對四大壓力：一、Deleveraging；二、Depression；三、Deflation；四、Despair。

- 2009年只要冇乜太壞嘅消息，已經係好消息，因為人人都認為明年經濟極壞，如發現情況冇咁壞，股市已可反彈，因為由去年11月至今年10月恒生指數已回落66％！

- 依家唔叫你信明年好環境，只係想話畀大家知，2009年並冇想像中咁壞。

今日曹sir (2008-12-17)

-12月16日，周二。恒生指數升83.26，收15130.21，成交403.16億元。期指跌45點，收15069點，代表短期股市有回吐壓力。(終於低水！)

- 今次聯儲局減息後，長達九十四年、利用利率去調整經濟嘅手段失效，日後只有向日本銀行學習以「資產負債表」去調控經濟，即不斷向金融體系注入資金。(已經冇息可減！)

- 上述方法2001年日本銀行曾採用，結果令日本經濟2003年4月復甦。

- 周小川話，本月人民幣將減息，明年初利率仍會下降。

- 1945年至今十個熊市中，有九個喺指數反彈20％後牛市重現，唯一一次例外係2001年9月至02年1月。最近標普五百指數由11月20日至12月8日 上升21％又如何？會否一如2001年9月至02年1月嗰次咁，未能引發牛市？客觀分析，美股似進入類似日本嘅失落世代，牛市唔似會响今年11月20日開 始。

- 由1923年至今，美國共有三次為時十年以上嘅牛皮市。2008年11月開始會否第四次出現十年牛皮市？上一個十年以上嘅牛皮市由1966至82年共十六年，然後出現二十五年牛市。

- 今天唔少垃圾債券已有15厘息，有投資級別嘅公司債券亦有8.5厘，應有一定吸引力。

- 美國銀行並唔係單獨例子，唔少大銀行皆須供股，對股價造成嘅壓力極大。金融危機不但未完成，而且更在擴大。

- 最佳入貨期係當基本因素已可支持、技術分析進入極度超賣區之時。(唔好心急！)

- 上述因素(一、曾經係英國殖民地，因此採用英國法（The Rule of Law）。二、外滙自由出入冇管制。三、全球大部分國家人民都可自由出入新加坡同香港。)令香港及新加坡、倫敦、紐約喺金融上接軌，形成環球性金融服務鏈，服務全球金融業。

- 南韓及台灣則冇咁嘅優勢，只有走製造業升級呢條路。

- 中國相信唔可能全國走上金融服務業之路，只能步南韓及台灣後塵，走產業升級路線，才能跨越「中產收入陷阱」。

今日曹sir (2008-12-16)

- 12月15日，周一。恒生指數升288.56，收15046.95；成交426.04億元。12月期指升354點，收15114點，高水，代表後市進一步睇好。

- 11月份入市吸納跌到殘嘅股份，相信可留番1月份獲利回吐，因為12月份唔少職業投資者都需要粉飾櫥窗，努力推高自己揸重股份嘅股價。

- 花旗、高盛、BNP百利達及美國銀行皆預測美元可能進一步轉弱，估計明年見80日圓兌1美元及1.45美元兌1歐羅。

- 內地房地產又如何？過去中國地產市場價格上升可以講史無前例（香港到1980年樓價才1000元一呎；中國改革開放三十年上海樓價已漲上4000到 6000元，有D更見10000元人民幣一呎），恐怕已進入漫長降溫期。11月深圳市長許宗衡表態──一不救市；二不死扛，讓市場自己搵出合理水平。

- 國際金融海嘯下，珠三角似乎成為咗重災區，每天出現民工返鄉潮，令人生懼。倒閉潮9月已開始，依家愈演愈烈，七萬家工廠响珠三角僱用超過一千萬工人，如有四分一關門大吉，受影響工人已達二百五十萬。

- 道理好簡單，控制通脹可用加息；但係要對付通縮，減息作用唔大，即使利率降至零，仍無法阻止價格下跌。價格下跌令企業邊際利潤收窄，當利潤減少或消失，企業價值便下降，必須裁員去減少成本……。

- 踏入2009年，全世界都進入低利率期；經過2008年大跌後，由股票到石油都十分便宜，仍然有錢嘅人會做乜嘢？

- 我老曹相信，如世界經濟復甦，中國應該係第一個站起來嘅國家，各位係咪同意？2009年應該北望神州，返內地找尋投資機會。

今日曹sir (2008-12-15)

- 12月14日，周日。滙豐已向信用卡借貸者提出加息，代表大銀行唔再支持消費者透過信用卡借款增加消費，美國花旗等大銀行亦宣布加息；即全球信用卡貸款進入高息期。

- 恒生指數熊市一期响10月27日結束，道指熊市一期响11月21日結束。(--上周P/E最低見八點八倍，點解我老曹仍認為係熊市二期而唔係三期？By 曹sir 2008-10-14)

- 上周五美元由最高價回落4.7％，兌日圓更見十三年內最低價。上周五全球股市因美國參議院唔批准bailout三大汽車集團而一度大跌，反而美股卻低開高收，聽講過年後另有新方案，即不救、不救還須救！12月係咪美元強勢結束嘅日子？

- 今年我老曹自己亦Down 20％，但冇因此沮喪，仍有勇氣再戰江湖，上月開始又再做Stock-picking。

- 另一投資大師Feldman嘅「Law of Depression Investing」（不景氣投資法）認為，股價如喺低位日子好長而能夠唔破產者，便遲早會上升！

- 經過去年11月至今年10月（十二個月）下跌後，股價肯定十分便宜，問題係明年否會更便宜？便宜唔係買入理由，只有嗰D日後有升值機會嘅股票才值得買！

- 如睇勢，2009年勢頭仍然唔多好，美國樓市泡沫爆破睇落有排都未搞掂。

- Nouriel Roubini認為，美國出現近五十年來最大一次衰退，家吓不但未見底，而且另一泡沫信用卡、企業債券及州政府債券（muni）亦進入爆破期。

- 睇嚟2009年投資者仍要稍安毋躁，炒炒上落市，靜候復甦來臨，最好都係吃喝玩樂為主，2010年再玩過

今日曹 sir (2008-12-13)

- 今天港股再恢復回落，恒指跌855.51，收14758.39；成交587.7億元。12月期指收14760點，跌755點，高水兩點。從呢點睇，下周一 港股可能又再低開高收。各位請記住，11月起係炒上落市，在可見將來不應再出現大跌市，因惡性拋售10月27日已完成，雖然信貸壓碎（credit crunch）仍持續。

- 客觀而言，明年經濟較今年更差，投資方面應集中在香港（或中國），而唔再係西方。

- 唔少人相信全球經濟遲早出現惡性通脹（因美元滙價回落），我老曹只擔心未來進入通縮，原因如下：一、Debt liquidation（減債）；
二、利差交易還原（carry trade減少）；
三、去槓桿化；四、企業利潤率收縮；
五、政府大量介入經濟；
六、失業率上升；
七、消費信心下降；
八、金錢流速下降。
上述八大項目，任何 一項皆可引發通縮，我老曹仍相信日式經濟將在美國登陸。
(- 我老曹相信，美國經濟未來兩年將進入低通脹、低增長期，但唔會出現大蕭條，兩年後有望出現U形走勢。By 曹sir 2008-11-18)

- 7000億美元嘅TARP係用以阻止銀行破產，以免危及存款戶，如美國國會用TARP去阻止其他行業破產，恐怕下一輪破產嘅將係美元，我老曹唔覺得美國失 去汽車業有乜大不了（英國唔係早已失去本土汽車工業嗎？又唔見英國人死晒?!），請唔好再用「失業率」去威脅政府，不然下一次破產將是美元。

- 熊市二期反彈市只適合專業投機者炒賣，例如1929年11月道指亦曾由198點反彈到1930年4月294點，在短短五個月內上升48％。呢次港股由2008年11月上升可維持幾耐仍然木宰羊。

- 去年8月恒指亦只有18000點，如沒有港股直通車消息刺激恒指升上32000點，以及今年9月雷曼兄弟事件將恒指推低至10600多點，恒指合理水平在16800點左右。

- 行業方面，同英、美關係愈少嘅企業，相信愈易站起來。

- 德國財長唔相信亂花費可以挽救經濟，認為只有審慎理財，才能令經濟健康發展。我老曹完全同意德國財長嘅理念。

今晚美國有間大公司會執？

- General Growth Properties NYSE:GGP
大家留意！

http://www.tickerforum.org/cgi-ticker/akcs-www?post=74869

今日曹sir (2008-12-12)

- 12月11日，周四。恒生指數升36.16，收15613.90；成交614.17億元。12月期指跌102點，收15518點，低水，代表恒指喺15781.05遇上阻力。(低水，咁應該後市都係維持15700點水平上落)

- 至今為止，我地玩緊熊市反彈。典型泡沫後嘅反彈維持最長日子係三至六個月，主要係畀大家透吓氣（吊頸都要透氣啦），然後再跌。股票市場有如貓，响吃掉捉到嘅老鼠前必然玩盡它……。此乃熊市二期。

- 過去中國嘅優勢係廉價土地、人力成本低，加上國際產業轉移而發展起嚟嘅勞動密集型產業；依家面對金融危機，低端生產力嘅弱點暴露無遺。(絕對贊同。)

- 如响OECD國家出現上述情況(短債息率下降，長債息率則上升)，代表經濟不久將來會出現衰退。

- 11月21日並冇跌破10月27日低點，應係浪b，依家行浪c（除非完成1、2、3、4、5，才代表熊市喺10月27日死亡）

- 恒指優勢係跌咗三分二之後，即使經濟進一步惡化，股市仍可反彈。喺熊市二期係玩timing而非investing。(即係投機!)

- 代表銀行根本上唔願向工商界貸款，寧可買息率不足1厘嘅國庫券。

- 高盛建議客戶買美國十一個州政府債券信用違約互控（CDS），賭呢D州政府債券違約，無法支付利息。除高盛外，大摩及美林亦建議客戶咁做。

- Oppenheimer銀行分析員Meredith Whitney估計，未來十八個月至三十六個月信用卡公司將收縮信用，令消費者信用額下降。佢估計未來住宅樓價再跌20％，後市令人擔心。

- 不過，上述情況唔會長久，估計明年起美元將再轉弱。

今日曹sir (2008-12-11)

- 12月10日，周三。恒生指數升824.52，收15577.74；成交618.5億元。12月期指升865點，收15620點，高水，代表後市仍向好。(高水43點。重有既上升力度，冇人知，但應該向好。)

- 今年上半年農、礦產品價格上升嘅局面，到7月份起已扭轉過來並迅速回落。

- 美國國家情報委員會日前發表全球趨勢報告預測，未來二十年美國响政治、軍事及經濟嘅主導地位可能減退，但作為全球霸主地位將繼續。

- 反而美國動用7000億美元，只係美國GDP 5％多DD。換言之，响金融海嘯下，其他國家處境較美國更差。(理據會唔會有D牽強?)

- 股市大淡友 Prudent Bear Fund 策略員 David Tice 認為，一旦完成反彈，未來跌幅將達50％，道指可見4450點，佢只睇好貴重金屬如黃金及白銀。

- 債王格羅斯預測熊市三期結束時，道指只有5000點！(到時死得人多，相信依家要儲定錢過冬。)

- 家吓過期三十天而未供嘅樓按已增加6.99％，佔全部供樓物業2.97％，乃二十九年新高。情況喺2009及2010年將進一步惡化。除上述外，市場更要面對Muni-bonds出問題及信用卡壞賬率急升。

- 2007年同1929年距離七十八年，卻冇人提及康狄夫循環周期，唔通呢次先至係堅嘅？(什麼康狄夫循環真係導致1988年股災？)

- 珠三角一帶受工廠停工影響嘅工人有幾多？有人估計春節前有十五萬間工廠停工，一億七千五百萬工人中有幾多人會失業？

- 全球正開始unwind本世紀最大嘅泡沫，有人估計基金業將萎縮50％。

- 呢次唔係普通熊市，而係超級大熊市。唔好誤會熊市已喺今年10月27日結束，結束嘅只係熊市第一期。

- 信各國銀行嘅反應亦將一如日本商業銀行過去做法──買國庫券而非增加借貸，以免呆壞賬急升，形成政府一味發債集資注入銀行系統，銀行則向政府購入國債，D錢並冇流向工商界。

- 美林12月5日嘅研究報告估計，明年全球GDP增長率只有1.3％，係1982年以來最低（半年前預測升2.4％）；但全球經濟有望响2010年復甦，GDP將上升3.1％。睇嚟明年先至係黎明前最黑暗期。

今日曹sir (2008-12-10)

- 2月9日，周二。恒生指數跌291.65，收14753.22；成交569.2億元。12月期指跌323點，收14755點，微微高水，代表今天股市回落只係獲利回吐....(微微高水.....獲利回吐......後市重係睇好？)

- 再以黃金比例計算，最小升幅38.2％，即恒指可見14754點，至今已完成；

- 再睇好一D可上升50％，即見16010點。大市經調整後，能否再升上16000點？冇人可保證。

- 11月21日同RSI形成三浪背馳（我老曹喺當日發出唔好睇得太淡訊號），配合外圍市況，我老曹估計恒指呢次升市止於16010至17273點機會，大於見14754點便掉頭回落。(可以玩多2000點？)

- 相信今年11月起我地正進入小陽春期，到底可維持幾耐無法事前知道。佘當奴好坦白咁告訴香港人，2009年仍係十分困難一年，要到2010年才有機會復甦。

- 人民幣自2005年以來都係單邊升值，今年亦升值13％；就喺奧巴馬認為人民幣應再升值聲中，人民幣偏偏貶畀你睇（毛主席曰：別人反對的我必贊成），以顯示人民幣升貶權响中國，不容美國政府說三道四！

- 人民幣貶值有助出口復甦，因為中國正在開拓俄羅斯、東歐、非洲、南亞等市場，人民幣如追隨美元升值，對中國貨响呢D地區發展極之不利。當全世界貨幣兌美元都貶值時，冇理由要求人民幣升值，對嗎？

- 依家原材料價格及運費大跌令中國貨出口利潤迅速回升，中國出口工業前景突然明朗晒。(? 但需求一樣委縮...........)

- 如能將部分土地分畀農民（將農地轉為可自由買賣），還富於民，中國人消費可以一下子活起來。(賣土地去消費？農民拿了錢又可以點樣維持生計？)

- 中國政府如能還富於民刺激內需，令內地製造業由依賴出口改為服務本土，中國好多問題便可一下子解決矣。

- 1月份金價出現反彈（中國人有買金過農曆年習慣）機會好大。

- 至於油價，我老曹唔認同美林睇25美元一桶論。估計油價喺40美元左右重建基礎，但未來升幅則唔大。

- 第二次反彈係雖然經濟已開始轉壞，但股市超賣（偏離250天線）。

- 換言之，今時今日炒股票乃逆水行舟。在此重申我老曹立場：我老曹不能預測股市短期方向，但大趨勢應可睇得通。

- 依家250天線喺21767點，而且在回落中，即呢次反彈市絕唔可能高出21000點！(大家記往啦！)

今日曹sir (2008-12-9)

- 12月8日，周一。恒生指數升1198.78，收15044.87；成交638.7億元。12月期指收15078點，升1208點，高水，代表後市進一步睇好，估計有力挑戰16800點阻力。

- 2009年鐵礦砂談判重點已非加價加幾多，而係減價減幾多，澳紐銀行估計最少減價50％。(舊年睇好既項目，今年已經轉勢。)

- 中金公司首席經濟學家哈繼銘認為，利率仲要降低108個基點、法定準備金率降250-450個基點，人民幣2009年仍要貶值去刺激出口，相信出口股亦到咗止跌回升期。

- 炒美元強勢資金踏入12月回流股市，因股價已進入短期性偏低期（拋離200天線33％，依家道指200天線喺11244點），因此唔排除道指可重返10000點。

- 經濟實況正在惡化中，但股市因嚴重超賣而反彈，典型熊市二期。

- 恒生指數熊市第一期應喺今年10月27日10676點見底，道指則在今年11月21日7449點見底進入熊二（反彈期）。

- 基於股市走經濟之前，唔排除滬深A股熊市已完成，如滬深A股出現牛市，可令香港呢個寒冬唔太冷。(即係點？反彈定牛市？)

- 明年美國人不但面對高失業率，同時面對信貸被大幅削減。對一個三分二GDP來自消費美國而言，2009年將係十分難度過一年。

- 美國消費者10月份減少消費1％，係2001年衰退以來最大減幅；美國零售業10月份減少2.8％，係1992年以來最大減幅。

- 低質素民主制度在印尼、泰國、菲律賓、印尼及台灣出現，令人再次陷入沉思：到底民主制度係咪真正適合全人類？

今日曹sir (2008-12-8)

- 12月7日，周日。今年十種經常買賣亞洲地區貨幣（唔包括日圓）有九隻下跌，由南韓圜、泰銖、菲律賓披索、印尼盾、林吉特、坡元、新台幣甚至人民幣皆回落，仍能上升者只有港元。

- 依家唔少股票已變成「月下貨」，11月起係撿拾便宜貨時刻，唔少二線股已到咗一蚊一隻雞水平。

- 喺熊市二期，唔少股份可上升50％或以上，都幾好玩；唔似熊市一期大部分日子都係跌，熊市二期係升升跌跌。11月起我老曹正逐步增加投入股市資金。

- 技術上睇，美國樓市調整期只完成一半，美國金融股衰嘢未出齊，但同時唔少值得投資對象卻連沖涼水一齊被潑出街。

- 投資成功或失敗由性格決定，你能否做到當人人貪心之時恐懼、人人恐懼之時貪心（利用VIX指標可知大部分人何時恐懼、何時貪心）？

- 經過兩次繁榮期、兩次衰退期後，長線投資者仍然有損失，你仲相信價值投資法及長線投資必賺？

- 投資大師林治教落：賣出蝕本股、揸住賺錢股（止蝕唔止賺），除非已獲三倍以上利潤！唔好信市場貼士，唔好天天買賣，唔好被低P/E吸引，制訂投資策略然後揀股。

- 隨着對沖基金退出市場，去槓桿化繼續落去，令揸樓作投資人最後亦被迫出售資產，令槓桿進一步受壓抑，無償債能力金融機構破產，部分新興市場甚至出現金融危機。上述將係2009年我地面對問題。

- 亦有人指出，政府為挽救金融機構而大量增加信貸，遲早令貨幣供應上升，最後令美元貶值、金價升上2000美元，而令通脹重臨而非通縮。

- 到底兩種講法邊種可信？

- 另一位專家Millennium Wave Advisors 主席John Mauldlin認為，美元流速在下降，聯儲局並冇製造大量「貨幣」，只係將銀行部分負債貨幣化（monetizing the debt）。即銀行將部分負債向聯儲局換成國庫券，並喺市場拋售換取現金，以應付客戶提款。

- 換言之，聯儲局只提供國庫券而唔係提供現金，聯儲局只增加銀行流動性（liquidity）而非提供現金（cash）。

- 貨幣基礎的確大咗，但貨幣（Money）增長率反由未出事前年率18％增長回落到依家10％，未來不但冇通脹壓力，反而有通縮壓力。

- 此乃我老曹响11月25日金價830美元時曾話中東國家炒錯市背後理由。除上述外，金錢流速（Velocity of Money）亦有關係，例如100美元每月轉手兩次，一年下來便有2400美元交易完成；反之，如100美元每月轉手一次，一年下來便只有1200美元交 易完成。

- GDP等於MV（貨幣供應及貨幣流速結果），貨幣流速下降可令GDP增長率下降而引發通縮。從呢點睇，美元滙價崩潰論基本上唔成立。

- 今年10月27日恒生指數止跌回升，只代表熊市一期完成，而非代表熊市結束；

- 佢唔同意分散投資，而只集中喺少數自己睇好股份身上──佢理論係持有一隻好股較持有十隻壞股強。

今日曹sir (2008-12-5)

- 12月4日，周四。恒生指數跌78.88，收13509.78；成交399億元。12月期指跌25點，收13520點。

- 久違咗嘅揀股唔炒市（stock picking）遊戲又開始。展望未來唔係牛市，而係牛皮市（或熊市二期）。

- 從呢點睇，依家值得投資嘅唔係本港房地產，而係本港地產股。有如用25仙買1元價值嘅東西，日後如你將佢以5角出售，可獲利100％。只要有耐性，長期而言應該可以賺錢

- 10月至今標普五百指數形成下降楔形，加上MACD背馳，短期仍有上升力量，卻冇能力將股市由熊轉牛。

- 除非11月4日低點1606.73失守，不然內地股市應係全球股市中第一個重新站起來嘅股市。(除非..............講真依句說話真係冇意思......)

- 美國十年期政府債券孳息率2.7厘以下（近五十年內最低）；反之，標普五百卻有4厘息。會否一如法興策略員Albert Edwards所估計：美國正步入金融冰河時期？

- 2007年次按危機後信貸壓碎（Credit Crunch）及銀行業大災難（Banking Fiasco），正正就係二十五年前開始滾雪球遊戲嘅死敵。今天遊戲規則再唔係滾雪球，而係雪人開始融化。

- 最近一次衰退由2007年10月30日恒指31958點開始，响美國同中國因素影響下，香港經濟出現V形反彈機會唔大，最終應形係U形經濟（即2007年10月30日回落到08年10月27日後，牛皮一年半載才上升）或更差，仍有待進一步觀察

今日曹sir (2008-12-4)

- 12月3日，周三。恒生指數升182.81，收13588.66；成交379億元。12月期指升307點，收13545點，低水，小心反彈市出現飄忽變幻球（時好時壞）。(有留意開既都知，期指與恒生指數關係唔係咁簡單.....)

- 各位已觀察過台灣式民主、泰國式民主、印度式民主……香港能否發展出「高質素民主」而非「低質素民主」？不然民主都幾得人驚。(係唔係亞洲人都比較唔接受到西式民主?)

- 呢批所謂社會偽尖子或政治企業家，利用自己响法律上嘅知識（或特權），製造一個又一個泡沫，然後從中獲取巨利，最後一走了之，讓整個社會甚至全人類承擔其後果。我老曹佩服、佩服。

- 當全人類都感到不安、沮喪及憂慮之時，突然又彈出一位奧巴馬，大叫change，令失意嘅投資者有如喺深海中抓到一根鹹水草，便以為自己有救，道指自11 月21日起進入The mother of all bear market rallies期，反彈浪一個接一個出現。

- 股市已進入上落市（或長方形走勢），喺上落市中搵食（別人睇淡你睇好，別人睇好你睇淡）並唔容易。

- 請唔好相信「牛市重臨」嘅謬論，因為全球情況仍在惡化，例如加州周一宣布財政進入危急期，如聯邦政府唔出手，加州政府可能破產。

- 2000年3月24日至08年12月2日止標普五百下跌45％，平均每年失去3.8％價值。邊個話長線投資實賺?!

- Meredith Whitney認為，未來十八個月信用卡公司將減少持卡人信貸2萬億美元，令信用卡持有人可獲得嘅流動資金減少45％，信用卡貸款利率亦將大幅上升。

- 近月邁阿密嗰D空置物業已被無家可歸嘅人入侵，情況變得複雜。為阻止「無殼蝸牛」入侵，銀行決定對斷供者實行唔收樓，繼續等佢地住落去，以免被「無殼蝸 牛」入侵，便趕都趕唔走；結果愈來愈多家庭索性唔供樓。唔少租出去嘅物業，租客亦索性唔交租，等業主收樓（業主亦唔敢收樓，因為一旦空置更加麻煩）。(太多有錢人係窮人身上搵錢，窮人人數急升，窮人變得愈惡，到頭來要搵番有錢人算賬！一個社會點樣處理窮人，係好好既課題。)

- 不景氣已由住宅擴展到商場及寫字樓。換言之，美國房地產市場回落情況不但未有改善，反而正在擴散，甚至酒店股亦大幅滑落。

- 呢次上天真係憤怒嘞，佢決定懲罰社會上嘅偽尖子及政治企業家，唔再容許類似AIG七十位公司嘅高層人員到加州度假，佢地除咗享用私人飛機外，亦用掉422000美元；

- 公平去咗邊度?!政府不斷向納稅人借錢，然後送畀華爾街大鱷，因為呢D大鱷食唔飽可令整個金融系統崩潰云云。如果咁樣可以解決眼前問題，就真係天冇眼。

- 今年11月起股市因超賣而進入反彈期，但經濟繼續惡化，呢段青黃不接期可維持幾耐？1929至32年期間亦出現過唔少反彈，有D升幅達到40％。

- 反彈市係最難捕捉嘅，一般散戶都處理得唔好。

- 點解有反彈？因投資者仍念念不忘2007年10月11日道指14198點。

- 人口中最慘係三十歲到四十歲，呢批人口喺美國約七千萬人，佢地响1967至77年出生，喺九十年代及2000年進入社會做事，成為貴價樓嘅買家，但去年開始步入負資產，未來十年到二十年點可以依賴佢地消費去支持經濟？(感同身受)

- 何謂「去槓桿化」？用普通人明解嘅文字寫，就係被迫斬倉。踏入今年11月，被迫斬倉已經完成，但投資者已冇蚊年再炒上。(例如依家個市好靜....)

今日曹sir (2008-12-3)

- 12月2日，周二。恒指跌702.99，收13405.85；成交385億元。

- 12月期指跌632點，收13238點，仍然低水。(依然低水，後市好淡爭持？)

- 羅傑斯又一次睇錯市，美元未真正轉弱，金價亦未真正轉強。如果佢响接受彭博新聞訪問時真係拋出手上美元買金，就係又一次高價接金！

- 12月15、16日係美元今年最後一次減息，英鎊估計亦將減息半厘，而歐羅在明年年中前仍不斷減息，澳元今天則減息1厘。從呢點睇，美元強勢最低限度可維持到2009年年中。(各位唔洗咁快買金，曹sir睇金幾準..)

- 佢(哈佛教授Jeffsey Frankel)唔認為美國經濟可於明年年中復甦（根據11月份華爾街所作嘅調查，唔少分析員認為明年第一季經濟可復甦，依家改口為第二季），理由係前擴張期共七十三個月，於2007年12月結束，乃戰後最短嘅繁榮期，未來衰退期會較長。

- 如重返1871至1995年，平均P/E水平，未來跌幅唔算大；但如重返三大超級熊市嘅P/E，未來跌幅仍十分大【圖】

-中國政府宣布動用30億美元購入一百萬噸基本金屬，以協助內地礦業，因為價錢已大幅回落；

- 由10月27日恒生指數由10676點開始上升，相信只係熊市二期反彈。(重係熊市二期！)

- 去年11月開始，投資策略不但要強調持盈保泰，同時要學習點樣在熊市中生存（活着就是唯一真理）。

- 點解？一如我老曹曾提出點解買滙控（005）股份收息較存款入滙豐銀行更多，答案係滙控股價將回落，因為滙控有可能減派息或供股。

- 標普五百指數合理價880點，即股市已開始進入偏低期；至於偏低幾多才見底，只能做事後孔明（偏低並唔係入市理由）。

- 現水平既唔係1932年亦非1974年極偏低期，因美股已回落50％（港股10月27日止更回落三分二）。未來日子將出現大量反彈，升幅可由20％到50％，但要認清楚只係反彈。我老曹在11月21日（較畢巴頓更早）已指出股市將出現大反彈，昨天再指出大反彈完成

- 港股10月27日、美股11月21日經惡性拋售後，仍無法出現牛市，有四大理由：

一、去槓桿化（Deleveraging）仍在進行。
二、企業純利 回落，銀行失去出售衍生產品嘅收入，令利潤永久減少34％；地產公司無法再利用重估資產產生利潤，令2009年純利減少40％。
三、通縮壓力，為減少負債 令產品及服務業收費下降，產生負財富效應。
四、失望。去年10月過分樂觀估計的投資者，今年十分失望，擔心明年更進入絕望期。

- 換言之，在滙控股價未見底前，恒生指數亦難見底。

- 各位請坐定定！恐怕中國呢隻火鳳凰未能在明年重生，經濟轉型亦未能完成，中國企業將面對困難時期。

今日曹sir (2008-12-2)

- 12月1日，周一。恒生指數升220.6，收14108.84；成交439.2億元。12月期指收13870點，跌118點，低水，擔心反彈市又告完成。(上星期六睇好，今日則睇淡。所以依個指標只可作一日參考)

- 日本嘅例子，令美國聯儲局極之擔心美國將步九十年代日本嘅後塵，此乃2001年1月至03年中美國大幅減息嘅理由。

- 美國第三季GDP下降0.5％，聯儲局估計明年首六個月GDP仍下降。

-十年前OPEC無力阻止油價跌至10美元，今年11月29日開羅會議又能否阻止油價進一步下滑？

- 如美林估計正確，明年將出現二十五年內首次石油消耗減少，OPEC必須大幅減產，才能阻止油價低於50美元。(另一角度睇其實對地球有幫助)

- 今年5月殊仔嘅1500億美元刺激經濟計劃，成效如何？可以講「nothing」！既冇解決房屋財政失敗嘅問題，亦冇解決銀行資本充足比率不足問題，更加 未能阻止美國GDP出現負增長。唯一成功係將原本5月份開始嘅衰退延遲到7月份，令美國暫時未出現連續兩季GDP負增長。

- 政治家利用各種理由去浪費納稅人嘅金錢，並令公眾人士誤以為佢地正在挽救經濟（其實係令情況惡化）。

- Thomson路透估計，11月份失去工作崗位人數達三十萬，係2001年10月後最多嘅一個月（失去三十二萬五千工作崗位）。Thomson路透估計，高潮係明年1月，將有三十四萬五千人失去工作崗位

- 換言之，內地房地產今年第三季亦進入回落潮。

今日曹sir (2008-12-1)

- 11月30日，周日。感恩節過後，開始踏足今年最後一個月。

- 今年美國「黑色星期五」令人失望，實現銷售額100億美元，較去年同期升3％（去年較2006年升8.3％），但如扣除通脹因素，零售額升幅其實接近零。(出口寒冬未過？)

- 今年11月起，假設未來經濟係U形反彈，即股市進入上落市，相信10月27日恒指10676點短期有得守。如去年11月開始你做空軍（go short），便應該响今年11月平倉。

- 雷曼事件後明白怪責別人並冇用，虧損仍由自己承擔，如你唔從自己失敗中吸取教訓，你永遠係一位失敗者。

- 標普五百响11月21日最低見741點，較去年10月最高指數1576點回落53％，係過去六十年內十六個熊市中跌幅最大；但有七個熊市時間較呢個長，亦有五個熊市P/E較呢次以2007年純利計P/E八點七倍為低。

- 反之，2008年11月21日標普五百如以2008年估計純利計，P/E仍高達十二倍。從呢點睇，今年11月21日標普五百指數低點只係一個「中期低點」，唔代表熊市結束，

- 有理由相信，美股仍可反覆回落到2009年5月或6月甚至更遠。

- 相信呢次道指由2008年11月21日7449點開始上升，亦只係另一次大反彈，而非熊市結束，超級熊市一期11月21日結束，依家正進入漫長熊市二期。

- 經過金融海嘯後，全球監管機構都認為應該加強「regulate」；政治家則認為最好向過去高薪者攞「tax」；投資者更認為應該「吊死」佢地。响咁形勢下，你信唔信明年股市可大升？

- 投資者被鞭打後，雖然酷刑已停止，卻進入痛定思痛期。今次反覆向上趨勢到底12月中美國宣布減息半厘後結束，抑或明年1月奧巴馬上台前後結束？木宰羊。

- 金融海嘯已經停止，但滿目瘡痍、百廢待舉，加上另一計時炸彈已經開始計時，佢就係美元！

- 如金價升穿850美元，將係美元麻煩開始。11月金價上升唔係因為通脹，而係投資者對貨幣唔信任。

- 瑞信估計明年年底前香港住宅價格仲有30％下跌空間，因未來兩季失業率大幅上升。我老曹唔同意上述分析，因為經過1997至2003年教訓，香港居民炒樓虧損極大，呢次樓市牛市以自住為主，投資客並唔多。

今日曹 sir (2008-11-29)

- 11月28日，周五。恒生指數升336.18，收13888.24；成交423.69億元。12月期指成13988點，升408點，高水，代表後市可進一步睇好。

- 截至家吓為止，人行已減息三次，一年期定存已下降1.62個百分點；相信中國經濟到明年下半年將再現曙光。

- 呢次減息令五年以上貸款利率降至6.12厘，對購房人嚟講最低貸款利率更可低至4.284厘，係十年內住房按揭貸款利率最低嘅水平。

- 股市方面，今年第四季上市公司業績仍下降，例如電力、鋼鐵、航空、化工、地產、紡織等，相信需要一段日子A股指數才能穩定下來。

- 美國汽油價格由7月17日4.11美元跌到感恩節嘅1.9美元，四個月內回落54％。

- 一來一回條數點計？未來投資環境正在改善中，但一般人反而睇淡（去年11月卻睇好）。

- 我老曹嘅投資策略則經常反其道而行，例如去年11月睇淡時畀人鬧，今年11月叫人「唔好睇得太淡」一樣畀人鬧，理由係我老曹並冇加入「Groupthink」俱樂部；遠離群眾，做個寂寞嘅分析員。

- 我老曹估計，未來經濟係U形反彈而非V形；因此只認為恒指10676點已有得守，愈多人鬧，愈證明我老曹睇法正確。

- 我老曹從來唔信「畫畫吓」就可以發達；我老曹唔否定走勢分析嘅用途，但切勿將走勢講到天下無敵。

- 我老曹最憎讀者問攞冧巴（自己唔做功課，如果咁都可以賺到錢真係天冇眼，蝕本則係應該。股票市場85％係輸家，咁唔小心謹慎嘅投資者又點會係贏家？）。

- 一般人喜歡聽「誤導分析」，例如蝕本就長揸、遲早升番，而唔喜歡聽真實說話──例如止蝕唔止賺。另一句誤導係「明天會更好」！

- 估計未來經濟係Ｕ形，即股市已見底，但經濟繼續往下沉，而復甦可能係三幾年後嘅事。世界唔會出現大蕭條，但衰退難免。揀股遊戲今年11月又開始。

- 願做官的明白──大氣候與小氣候不因你們派不派錢而改變，浪費納稅人嘅血汗錢去提升自己民望係罪。

- 雖然股票跌市香港可能喺10月完成、美股喺11月完成，但未來牛皮市相信十分漫長。漫漫長夜做乜好？

今日曹sir (2008-11-28)

- 11月27日，周四。恒生指數升182.61，報13552.06；成交502.28億元。11月期指升432點，收13717點，高水，後市繼續睇好。(睇好睇淡，每日不同...)

- 無論股市及國際商品價格，甚至高息貨幣無一不出現暴跌；只有日圓及美元暴漲。最後各國政府聯手緊急注入大量資金，增加流動性，相信情況已穩定下來。

- 即假設恒生指數响10月27日10676點見底及道指响11月21日7449點見底，後市展望亦只能响低位徘徊，而唔係V形反彈。最樂觀係可以有U形反彈；最悲觀係L形。

- 展望未來，經濟收縮期最快要到明年第二季先結束，漫漫長路，未來重建需時。

- 技術上睇，超級熊市第一期已完成，逐漸進入超級熊市第二期（即上落市）。(Secular Bear Market..)

- 12月16日及17日相信聯儲局再減息半厘，到咗呢一步，貝南奇手上再冇對付衰退嘅武器。

- 貝南奇過去以為印銀紙及擲鈔票，便可解決問題，家吓已證明佢思想幼稚。

- 2006及07年美國企業壞賬率只有0.6％，响衰退高峰期，企業壞賬率可上升到10％，呢個係AIG出事理由。

- 我老曹八十年代好佩服雪茄伏，但呢次佢出嚟做part-time，老實講真係唔多睇好。

- 展望第四季度，中國已面對過快下滑趨勢，國家已推出4萬億元人民幣計劃，擴大內需，同時實行積極財政政策及適度寬鬆貨幣政策去穩定經濟，但擴大內需要一個過程，短期內經濟仍延續下降

今日曹sir (2008-11-27)

- 11月26日，周三。恒生指數升490.85，收13369.45；成交416.78億元。11月期指收13285點，升499點，低水。

- 面對信貸危機不斷擴大，根據CNBC統計，政府投入金融系統資金已達4.9284萬億美元，已超過第二次世界大戰美國參軍總費用，唔少人又再擔心通脹令金價上升。

- 家吓過量增加嘅貸款（Loans）並非貨幣供應（Money Supply），除非接受貸款嘅銀行倒閉，令呢D貸款變成壞賬（New Debt），聯儲局必須將它貨幣化（Monetize）。

- 換言之，金價上升係炒錯市；人們將貸款睇成貨幣。

-我老曹同意金價最終會上升，但係咪家吓已開始上升？木宰羊。如股市、油價及其他商品價格回落（指依家至明年第二季），金價應再回落到630美元後才上升；

- 金價未見630美元便上升，只因近日各國央行大量供應貨幣，產生Flight to Quality現象，但未反映通縮威力。

- 必和必拓宣布，放棄談判咗十八個月嘅收購力拓計劃，因為現階段若動用680億美元去收購，所冒嘅風險太大。呢個消息令力拓股價下跌37％及必和必拓升7％。

- 所有熊市都喺投資者絕對失望嘅環境下結束。過去投資者情緒好難量度，自從有咗VIX指數，呢個已唔再係問題。

- 以價值角度睇，股票到咗好便宜嘅水平（當然仍可進入偏底局面）。唔似十二個月前過分偏高，即係話長期而言，响恒指10676點入貨有得守，最多只係吃眼前虧。

- 依家中國嘅問題已唔係一無所有，而係貧富差距愈拉愈大，以及城鄉收入差距擴闊。

- 中國過去三十年策略係政治上保守，經濟上採改革開放政策，日後必須改變；

- 加上中國四大銀行都唔會為樓齡超過十五年嘅商品房提供按揭，從而把大量舊房擋在二手房市場之外；再加上七十年所有權限制，令二手房市場發展唔起。

今日曹sir (2008-11-26)

- 11月25日，周二。恒生指數升420.66，收12878.6；成交412.2億元。11月期指升301點，收12786點，低水；反彈市又遇壓力。(曹sir話既強力反彈得三日？)

- 一連串嘅行動令高盛逃過呢次厄運，但未來日子如何？去年年底高盛槓桿比率係二十五倍，經發行新股及政府注資後，槓桿比率已下降。只係擔心未來賺錢能力變成點？係咪代表投資銀行光輝嘅日子已成為過去？

- 美國聯儲局資產負債表喺9月10日雷曼破產前，只有9240億美元，到11月19日已達2.2萬億美元，相信到明年1月1日將達3萬億美元。

- 睇嚟資產負債表衰退仍繼續，美國資產價格在回落中。

- 上周五開始嘅回升相信只係另一個反彈浪（我老曹一直估計恒指由10月28日起進入a、b及c反彈浪）。

- 標普五百指數上周五一度接近2002年10月低位，因而出現大反彈，可維持幾耐？木宰羊。

- 過去三個月垃圾債券市場減值1870億美元，債券市場出現兩極化。睇嚟金融危機仍未過去。

- 信用卡問題逐漸浮現，繼美國運通銀行之後，Master Card（萬事達卡）宣布第三季營業額大跌。(本欄既讀者應該記得我地關於Credit Card 既調查結果)

- 一切衰嘢開始浮現，甚至美元上升周期亦可能提早結束，金價調整期亦可能提早完成。

- 可能進入金升美元下跌期，令美國政府印鈔票能力亦失去。

- 呢次金價上升，唔係因通脹而係Flight for Quality。(應該係 Flight to Quality, 唔係 "for".....詳見WIKI)

- 明年1月20日奧巴馬上台後．計劃採取嘅刺激經濟方案，實在搵唔到同1933年羅斯福嘅New deal、殊仔2001年退稅兼減息或今年2月退稅方案有乜分別？

- 我老曹反而擔心美元滙價快見頂。

- 過去歷史證明，標普五百指數每年真正升幅只有1.8％，响扣除CPI升幅及嗰1.8％升幅後，劃出嘅走勢就好似附圖咁；(即係差唔多見底？)

- 美國由1982年開始至2007年共二十五年，每年消費有1％嚟自增加負債，如未來十年每年減少負債0.5％，不但可令資產價值由偏高重返至合理，甚至偏低。呢個情況喺去年11月已開始。

- 恒指回落66.57%後，未來跌幅有限，即10月27日10676點支持力好大，估計喺呢個水平打底。

今日曹sir (2008-11-25)

- 11月24日，周一。恒生指數跌201.26，收12457.94；成交350.15億元。11月期指跌31點，收12485點，高水，即係代表後市仍睇好。(今日高水終於說睇好)

- 亦係因為投資者已預期今後兩年嘅情況將好差；現價股市唔係反映今年11月係點，而係反映明年4月至5月係點。

- 嚟自World Gold Council數字，杜拜第三季黃金零售較去年同期升56％；海灣地區中，沙地阿拉伯升51％，埃及升33％，成個阿拉伯國家人民都吸納黃金。你又點睇？(會唔會係避免油元及美元下跌風險？)

- 英國至今已有五萬間問題住宅被接管，政府動用2500萬億英鎊bailout各金融機構，國債已達5000億英鎊，私人負債1.8萬億英鎊。英國經濟已進入衰退。

- 香港情況亦一樣，呢次跌幅集中喺豪宅身上；反之，普通住宅樓價跌幅只係將去年10月至今年3月嘅非理性升幅抹走。(曹sir以往話普通住宅冇乜投資價值)

-金融海嘯已橫渡太平洋並响中國登陸。估計珠三角一帶超過一萬間工廠喺農曆新年前結業，憤怒嘅工人已上街要求收回工資；

-情況好似進一步惡化，明年再有二萬間工廠關門，佔珠三角一帶工廠總數50％；惠州嘅失業率已達20％。(搵唔到有關資料...)

- 美國財赤2008／09年已達1萬億美元，奧巴馬上台後亦嘆巧婦難為無米炊；-

今日曹sir (2008-11-24)

- 11月23日，周日。上次恒生指數响1998年8月13日6544點見底反彈，本港經濟則要到2003年4月才見底；呢次會否歷史重演？

- 現水平係咪已discount未來兩年極之惡劣嘅前景，抑或只係一次技術反彈？我老曹木宰羊，只知上周五叫大家唔好睇得太淡係一個good call。(究竟佢係"睇"中，定係"聽"中消息？)

- 標普五百由去年10月至上周五已回落52％，出現一次大反彈好正常，因利率已由4.25厘降至依家1厘，估計响12月15至16日再降至半厘。(S&P500跌穿2002年低位....)

- 2007年10月11日道指由14198點跌至2008年11月21日7449點，跌幅47.53％，已十分接近美股响1973年1月11日至74年石油危機嘅跌幅及2000年3月9日至2002年10月科網股泡沫爆破嘅跌幅【圖】。
- 經10月份拋售後，散戶拋售力量响11月已減弱，11月份嘅拋售來自對沖基金，因擔心投資者贖回（估計今年有七百多隻對沖基金結業），呢類拋售隨時可停止。(依個會唔會只係曹sir為自己既預測想既"理由"? )

-上周五道指由低點反彈6％，理由係奧巴馬委任新財長（市場已唔再信保爾森）。(新財長一定好個保爾森? 有乜理據？)

- 巴郡有投資嘅美國運通、可口可樂、Conoco Phillips、P & G、富國銀行等股價皆下跌，睇嚟近期畢非德都幾傷。

- 九十年代科網股一役畢非德完全錯過晒，造成呢次急不及待，犯咗太早入市嘅毛病。(依個只係曹sir講既理由吧?)

- 一、短期因太多人睇淡引發反彈，情況一如10月27日。(又可唔可以話，有太多人博反彈而尋底？)

- 二、恒指P/E已進入熊三水平（八倍以下，雖然最低可見六倍）。(10月27 見10600點唔係熊三 "6.6倍"，依家12000點反而係熊三?)

- 三、股市走喺經濟之前三至九 個月，當經濟出現最惡劣日子前，股市早已見底。

- 四、預測非我老曹專長，而且一向反對做預測，因為預測唔係可靠指標，如你睇啱便賺錢，睇錯便輸錢。因此，現 階段仍然只宜動用全部資金30％做買賣，因為只係牙骹戰。(最驚聽到依句 ->牙骹戰!!!! )

- 呢次恒指由2008年11月開始，會否亦進入另一段非牛非熊市，而經濟則繼續衰退落去？(Secular Bear Market...)

- 165億美元只令該公司延遲破產十年，最終英國車廠仍要退出國際市場。

今日曹sir (2008-11-22)

- 11月21日，周五。恒生指數升360.64，收12659.2，成交504.44億元。11月期指升319點，收12516點。 (仲係低水一百點.........即係點睇？)

- 中國人行同財政部宣布，計劃把500億元人民幣嘅中央國庫資金存入各商業銀行，令銀行得到更多資金。(曹sir唔通一早之呢單料？因曹sir尋日會反彈....)

- 資金將喺11月26日存入六個月定期，至明年5月26日止，大大增加咗內地銀行流動資金。

- 滬深三百指數雖然回落0.61％，收1920.73；因已從11月4日起回升，並升穿長期下降軌；加上RSI背馳【圖】。即滬深A股有機會喺11月4日見底！(曹sir估底!)

- 無可置疑係中國正受到環球性經濟衰退影響，但同樣無可置疑嘅係中國經濟將會第一個站起來！因為中國政府有嘅係錢。4萬億元人民幣刺激計劃喺未來兩年可創造五千萬個新職位!

- 明年係投資界進軍中國市場嘅日子（至於係邊一季仲未清楚）。(投資乜野？內需？基建？)

- 一、趨勢（Trends）。利用基礎分析再配合技術分析，找出股市大方向；

- 二、策略（即我老曹所講嘅論戰）。把投資市場看成一場戰爭，點樣攻城略地、幾時 進攻及撤退，依照戰略進行，以點樣打贏呢場仗為目的（甚至可以喺小戰役中小敗）；

- 三、便是最近新書所講論性。由人性角度去評估未來，簡單D講係市場心理 學，找出買入點及退出點。結合三點即係論勢、論戰與論性；

- 天下無不散之筵席，我老曹自1968年加入股票市場，明年退出後，一共四十年。(曹sir退休了。)

- 金價由3月17日1032.7美元回落到10月24日682.41美元，如非伊朗吸納，相信家吓金價早已見估計中水平（630至650美元）。伊朗吸納會唔會改變金價短期走勢？一時之間好難答。

- 未來投資策略係點樣喺通縮環境下生存甚至搵食？
一、首先唔好負債。因為喺通縮環境中借錢可以冇命；
二、唔好追逐急升項目；
三、投資策略宜保守，最多動用全部資金30％，目的係Keep your feet wet！以便日後落水。

- 最終美國國會係咪批准三大汽車集團Bailout？要留到12月2日決定。

- 如美國汽油稅加至每加侖3美元，美國政府一年稅收可增加5萬億美元，對美國三大汽車廠可能係致命打擊。

- 奧巴馬上台如保護美國汽車產業及實行貿易保護政策，不但唔會解決到問題，反而係延長危機。

- 不過，佢嘅經濟顧問哈佛大學經濟學教授薩默斯等人，都反對貿易保護主義，相信奧巴馬上台後唔會實行貿易保護政策。
-

今日曹sir (2008-11-21)

- 11月20日，周四。10月27日恒指由10676.29開始反彈，係咪已於11月5日15317點結束？至今仍未肯定。

- 今天恒指再跌517.24，收12298.56；成交446.17億元。恒指已回落前升幅61.8％，如周五止跌回升，大市仍有機會見底。(即係今日升，就見底(10676.29).........尋晚美股大跌444點....)

- 11月期指跌438點，收12197點，代表周五反彈機會極大。(期指低水，反彈機會極大？)

- 我老曹認為，香港中小型住宅（豪宅除外）抗跌力應較以往強，理由係：一、依家供樓利息便宜；二、新樓宇供應有限，估計跌市將喺明年第二季完成，明年下半年 出現止跌回升機會極大；三、本港上市地產開發商過去幾年都冇加大收購土地嘅力度，手上可開發嘅土地儲備有限，冇一間需要賤價賣樓。

- 最近嘅炒風由去年10月開始，今年5月結束，前後只有八個月，以此計算，樓價低潮如非今年12月就係明年2、3月（如恒指喺10月27日見底，樓價低潮就喺12月；如恒指明年第二季見底，樓價低潮亦將喺明年第二季）。(理論係股市走係樓市之前兩個月？唔係半年咩？請各位更正...)

- 從前畢非德先生代表成功嘅投資者，但今年佢嘅投資表現又的確幾令人失望，尤其係9月份佢接受《紐約時報》訪問時話相信係買入嘅時候，9月25日佢用咗50億美元投資高盛，家吓賬面損失47％；(又單打畢非德...)

- 歡迎各位進入Great Unwind時段！過去一年全球股市減值30萬億美元，相等於美國兩年GDP，未計美國房價減少5萬億美元，仲有公司債券大減值。

- 泡沫爆破後調整期有長有短，只要社會仍尊重資本主義制度，最終有一天我地會再次由衰退走向繁榮，只係呢一次較以往幾次都長。

今日曹sir (2008-11-20)

- 11月19日，周三。恒生指數跌100.09，收12815.8；成交389.13億元。11月期指跌142點，收12631點，仲係低水。(今日美股大插400點，恆指肯定低開，月內可能真係嘗試萬一點低位！)

- 10月27日恒指見10676點，相信90％投資者已完成拋售，踏入11月，拋售壓力已下降。(從成交睇到？)

- 至於美股，技術上睇，道指形成雙底兼出現RSI背馳；加上奧巴馬2009年1月20日宣誓就職，美國經濟有機會响明年年中見底，而股市走响經濟之前六至九個月。(明年年中減六至九個月，咁即係美股差唔多見底？)

- 到今年11月，我老曹係全港少數好友之一，雖未肯定10月27日已見底，但相信同底距離已不遠！(咁個熊三去左邊? 係咪依家開始)

- 朋友告訴我老曹，今年係1967年以來第一次買滙控（005）收息回報較存錢入滙豐做定期嘅回報更高。點解會出現上述現象？相信係因為滙豐過去純利持續增 長，令股價長期看漲，因此買滙控收股息較定期存款嘅利率低。咁點解2008年起買滙控收息嘅回報率居然較响滙豐做一年定存高？相信係因為風險溢價上升，投 資者擔心未來滙控股價唔再係向上，先至會出現咁嘅現象。

- 即使採用分散投資法（Asset Allocation），將財產分配喺股票、債券、商品、貴金屬及房地產項目上，希望股票跌價時可能債券、商品及貴金屬升；金價跌時可能股票升。但2008年卻出現股票、債券、商品、貴金屬及房地產無一不跌。(這情況，牛眼作者一早講過... )

- 展望未來，我地正進入信用卡危機期。今年9月止美國未付消費負債高達9700億美元，上述金額相較次按細得多，卻可以令消費市場急速下滑，令衰退由金融市 場進入實質經濟。呢次問題不在貝爾斯登、雷曼兄弟、美林、高盛及大摩等五大投資銀行，而係美國運通銀行呢類信用卡經營者。

- 債王格羅斯估計呢個衰退期相當長但唔深，因政府大量注資及bailout令財赤大增，最終引發通脹；即短期形成通縮、長期形成再膨脹（Reflation）或滯脹（Stagflation）。

- 美國愈來愈似阿根廷，最終必引發美元大貶值，並令油價同金價狂升。佢估計2009年下半年美國將出現惡性通脹，即未來係先通縮後通脹。

- 近期因信貸收縮令新增嘅貨幣唔會刺激CPI上升，日後聯儲局停止減息後六個月至九個月，通脹率將再回升。

- 估計通脹回落期响明年第二季結束，通脹率上升期由明年下半年開始；投資策略係金價每低於700美元便收集（最低估計可見630美元），長期上望2000美元；(小弟之前都post個話有其他blog友已經開始買金，因為美元一定貶值！)

- 心中估計黃金低潮喺明年第一季出現。近日各種物資價格回落（包括石油），唔係因為供應上升而係因為需求下降，估計需求下降期一直維持到明年第二季，明年下半年將因需求上升而令價格再升。

- 佢(Hugh Hendry)估計明年美元利率將低於0.5厘，未來金價可見550美元或以下（我老曹卻唔認同佢嘅睇法）。(LINK)

- 我老曹估計，新需求唔會再來自美國、歐洲及日本，而係來自新興工業國。如各位認同我老曹嘅分析，請喺明年第一季開始收集資源股、拋售債券。

- 到2008年，美國、歐洲及日本皆陷入經濟衰退，再加上人民幣升值、新勞動法執行、外資公司稅率由15％上升到25％，出口退稅下降或取消，令工業生產力過剩嘅問題全部浮現，恐怕中國境內工業正面對一次極之痛楚嘅汰弱留強期（恐怕將有三分一工廠被淘汰出局）。(所以，應該睇好競爭力強既公司，尢其有國際品牌果D!)

今日曹sir (2008-11-19)

- 11月18日，周二。恒生指數跌613.64，收12915.89；成交448.4億元。11月期指跌688點，收12773點；12月期指跌701點，收12768點。期指倒掛，即短期大市仍睇淡。

- 長遠而言，10月27日10676點應會失守，但短期反彈只有七個交易天，氣勢未免弱咗D

- 英鎊前景繼續令人擔心，萊斯TSB銀行認為，隨住英鎊滙價下跌，英國通脹率將上升，令資金唔願流入英國；

- 淡友轉為睇好，係咪跌市近尾聲？我老曹木宰羊。畢非德今年亦犯咗太早睇好嘅毛病。

- 如通用電氣不獲政府bailout，將令美國明年失業率急升至9.5％。

- 請睇睇日本1990年至今，過去十八年日本人嘅日子並唔好過。長痛不如短痛，大量注資及bailouts嘅做法，只會延長衰退期，但冇解決問題。

- 畢非德買入後持有嘅投資策略，已隨住美國戰後最大一次牛市（由1975至2007年）結束而失去光芒。

- 野村證券分析員Richard Koo認為，美國正進入「資產負債表衰退」，情況有如九十年代日本，因消費者及企業財富大量被蒸發，令佢地減少開支及減債，經濟因此無法好起來。

-閣下有冇智慧捕捉到下一個大趨勢？請不要work for money, let money works for you！金錢如潮水，來之時擋唔住，去之時亦留唔住。真正嘅財富係平靜的心境。

- 中國人係食米民族，種米必須努力辛勤才能有收穫（誰知盤中飧，粒粒皆辛苦）；反之，西方人係食小麥民族，小麥收成極受天氣影響，形成西方民族極富冒險精神。(米唔受天氣影響？)

今日曹sir (2008-11-18)

- 11月17日，周一。恒生指數跌13.13，收13529.53；成交398.38億元。11月期指成13461點，跌121點；12月期指跌162點，收13428點，後市繼續令人擔心。

- 一旦牛市重臨，優質股最先反彈。所謂平均投資法（例如每月投入一定金額），响牛市三期勿試，但今時今日卻值得開始。(月供基金好似冇得比你選擇幾時供，幾時停。MPF 又點？)

- 即使上市公司今年純利進一步回落，令熊市三期喺明年第二季才出現，今時今日分十二個月，每月投入一定金額資金進行平均投資法，長遠而言應該唔蝕底得幾多。

- 喺超級大熊市中亦不乏大型反彈，如冇心水股可吸納指數基金。(問題係，你要懂得"走"，睇下日股你hold 18年指數基金咪又係.................)

- 我老曹相信，美國經濟未來兩年將進入低通脹、低增長期，但唔會出現大蕭條，兩年後有望出現U形走勢。

- 中國社科院世界經濟與政治研究所國際金融研究會副主任張斌相信，美國經濟有望响2009年見底，2010年穩定下來、2011年出現U形反彈，理由係美國 國際競爭力猶在，只因過去過度消費而引發次按危機，未來一段日子將因減少消費而令GDP出現負增長，但唔會進入長期衰退，因美國經濟係開放型，唔同日本係 半封閉型；(曹sir係咪認為張斌比較可信呢？之前佢自己認為美國有可能係日式衰退..............)

- 換言之，大額存款今時今日極受銀行歡迎。

- 中國社科院金融所研究員易憲容認為，房地產市場調整只係開始，過程十分漫長。响央視《今日觀察》節目中，評論員張鴻強調，中央政策係「救市」唔係「托市」；唔係救房價，而係大量供應經濟適用房、廉租房畀市民購買，並非「托住」房價。

- 唔似1984至97年香港經濟轉型，當時係配合天時、地利兼人和。可以講，中國經濟呢次轉型應會幾痛苦。

今日曹sir (2008-11-17)

- 11月16日，周日。二十國領導人响華盛頓召開金融海嘯同世界經濟峰會，一如估計只係口水大會，講就洋洋大觀，做就冇一個國家肯承擔。(曹sir絕對正確)

- 除咗士刁拔之外，真係無法解釋者也。(關於風險處理，個人認為未必係自己Stupid，其實係有太多有毒產品。)

- 道指上周五重返8497點，雖然我老曹相信10月10日起反覆向上力量仍未完成，後市道指仍有機會升上9000點或以上，呢個a、b、c反彈浪才告完成，因估計12月6日美元再減息半厘。

- 我老曹相信見底日子，可能係2009年3、4月。過去一年全球股市均面對Margin Call！(Margin Call)

- 估計上述趨勢(亞洲貨幣貶值)維持到2009年年中，到時美元再面對貶值潮，因美國2008／09年度財赤超過1萬億美元，支出大增而稅收大減。

- 雖然依家供樓貸款利率只有6.81厘（一年前7.14厘），但賣股買樓現象漸漸出現。(英國)

- 政府宣布一年豁免印花稅，令首次買樓者受惠，但嗰D市價125000英鎊至175000英鎊物業交投响8月份只有三千八百宗（7月份四千二百宗），未見回升。(政策對市場影響有幾大?)

- 十九年熊市，美國投資者一而再、再而三認為日股熊市已死，結果再次令人失望(有反彈，冇升幅)。上述情況未來會否喺美國股市重演？

- 我老曹對2008年睇法已傾向偏淡；今天則擔心過去由美國消費、亞洲生產帶動全球經濟上升模式已無法持續。

今日曹sir (2008-11-14)

- 11月13日，周四。恒生指數跌717.74，收13221.35（最低曾見12943點），成交517.9億元。即月期指跌664點，收13098點。(昨天期指低水，是否代表今個月都係看淡？大家比D時間留意。)

- 財長保爾森要求國會再增加撥款，並答應唔再收購有毒債券，而改為支持消費金融；呢個消息令道指周三回落4.7％，收8282.66。

- 百思買（Best Buy）發出盈利警告，美國經濟中第二隻鞋開始下跌。

- 估計今年第四季美國GDP收縮係最嚴重一季。

- 六個月前全球擔心通脹上升，當金價由1036美元回落時，我老曹擔心通縮冇人信；家吓人們擔心衰退，甚至擔心通縮，金價一度跌穿700美元（我老曹估計，支持位喺630至650美元，並重建基礎），油價由147美元跌到56美元。

- 依家不但投資股市要take shelter，投資日圓及美元以外嘅外幣亦需take shelter，甚至投資黃金亦一樣要take shelter。換言之，全球已進入由資產價格下跌而引發衰退嘅時代。

- 如出現資產負債表衰退，明年3月股市有一次似樣反彈後又再下跌。

- 熊市中最大嘅苦楚係眼見自己嘅投資化水，唔少人連計算自己手上投資值幾多錢嘅勇氣都冇。

- 展望未來，全球政府對金融監管愈嚟愈嚴；各位正面對1973至74年以來最大一場資產拋售潮

- 到1989年日經平均指數見頂時，差唔多所有上市企業股份超過一半由其他日本企業持有，即外資根本無法收購日本任何一間企業。

- 中國應吸收日本教訓：一、對中小企業不應提供過分保護。好似小孩子，响長大過程中畀佢吃D苦頭及捱D風浪（千金難買少年窮），千祈唔好提供溫室。溫室內嘅 孩子係長唔大；二、阻止企業之間互控，以免形成保護層及小圈子而無法達致全面性競爭。改革開放三十年來，提供適當保護係應該；今天中國經濟孩子已三十歲， 應有足夠能力應付外面風浪，就畀佢地到全世界去闖（包括闖禍）。只有咁樣，中國先有真正跨國大企業。

- 三十年前中國走改革開放路線後世界又再改變，美國人盡情消費，中國人努力生產。

今日曹sir (2008-11-13)

- 11月12日，周三。恒生指數跌101.81，收13939.09，成交472.4億元。即月期指跌208點，收13762點，低水，後市繼續睇淡。 (由11月開始，期指都重係低水，果然見淡。)

- 上一次相同跌幅，令英國响1992年擺脫衰退，但呢次卻不行，主因係貿易夥伴如歐盟及美國一樣陷入經濟衰退。

- 殊仔邀請二十個國家阿頭出席11月15日峰會，代表全球GDP 90％及包括十個新興經濟國，但奧巴馬唔想喺殊仔任內出席呢個G20會議，令G20峰會大為失色；加上每個國家代表只有十五分鐘發言時間，恐怕變咗口水會。(除jor減息，重有D乜實際行動？大家繼續留意。)

- 指出奧巴馬強調係公平，佢認為共和黨喺稅收政策上過分討好富人，咁樣雖然帶嚟2003至07年嘅金融空前繁榮，但同時引發出今年金融海嘯。因此佢主張管制金融利益集團而唔係扶持；至於點樣幫助因呢場金融海嘯而失去屋企嘅窮人？(有學者認為應該減稅，令美國人多D儲蓄，先可以解決balance sheet recession......)

- 政府估計，加大鐵路投資可創造八十萬個職位，但相對製造業裁員潮只係杯水車薪。(其實製造業既員工是否可以馬上幹上鐵路興建既工作？)

- 依家中國應擴大嘅唔係基建項目，而係消費。中國人消費只佔GDP 40％（美國80％、日本68％、台灣73.3％及香港90％），中國問題係儲蓄率太高，消費不足。

- 大摩嘅亞洲區總裁羅奇認為，美國人需要增加儲蓄，而中國人同日本人需要增加消費，才可挽救呢場金融海嘯。

- 商品價格再回落20％，金價可見650美元，美元响明年年初開始回落（由強轉弱），但未來半年Cash is King。

- 人無信不立，國無信不張。一個人冇咗信用必一事無成，一個國家冇咗信用，社會必亂七八糟。

投票結果 (你會唔會買指數掛鉤基金?)

投票結果 (你會唔會買指數掛鉤基金?)

會 6 (37%)
唔會 10 (62%)

Votes so far: 16

以筆者既經驗，暫時都係避開穩陣。另外，想同大家分享下一個外國投資專家既 free newsletter，內容可能對你有幫助：

Dr. Gary D. Halbert
"Buy-And-Hold" Bites The Dust - Now What?

"'Index investing' is growing like wildfire among investors today…And it’s no wonder why. The allure of a simple, low-cost investment strategy tied to market indices that have been shown to grow over long periods of time sounds irresistible…The main problem is that Wall Street’s ad machine is only telling half of the story. They often use historical time periods that are far longer than what most people have to invest, and they also fail to disclose how much an investor might lose in a bear market or major correction.”

今日曹sir (2008-11-12)

- 11月11日，周二。恒指14000點一度失守，收報14040.9，下跌703.73，成交543.8億元。即月期指冇咁好彩，下跌767點，收報 13970點，期指倒掛現象又再出現。太陽陳來電話：「恐怕反彈已完成，投資者對後市宜多D戒心。」真係語重深長，但幾令人洩氣。

- 4萬億元人民幣刺激方案令滬深三百指數只上升一天，今天又回落1.13％，收1781.36。

- 拉斯維加斯金沙集團計劃集資21.4億美元，宣布暫停澳門威尼斯人賭場擴建，另計劃向一中資銀行借入7億美元作為興建上述項目。截至6月止，該公司負債資 產比率達80％危險水平，停牌前股價再跌6.3％，收報7.5美元，較去年最高價回落92％。呢場豪賭原來最大輸家係賭場。

- 今天面對全球金融海嘯，亞洲區情況應該唔會較1997／98年嗰次差。一嚟風暴唔喺亞洲而喺北美洲；加上中國及印度經濟已冒起，令亞太區對北美洲同歐洲依賴唔及當年咁大，因此宜趁低吸納。呢個係摩根士丹利公司嘅分析，各位點睇？

- 全球衍生產品泡沫爆破，去年10月前喺本港大量出售嘅Accumulators，包括股票、外滙同商品，殺傷力逐漸浮現。

- AIG、房利美、房貸美、通用汽車及美國政府能否無止境地提供信貸而唔使付出代價？今年第四季財政部計劃借出5500億美元，明年第一季3600億美元（仍在上升中）

- 呢個形勢對奧巴馬上任不利，估計佢上任後，明年美國經濟將進一步惡化，資產負債表衰退繼續，美國呢次面對嘅唔係一次普通性周期衰退，而係一次資產負債表衰退，情況同九十年代嘅日本接近，因為金融機構失去太多資本而收縮信貸，呢個衰退很難復甦。

- 中國希望以內需代替出口，成功與否，木宰羊。長久以嚟中國一直推行國富民窮政策，點樣擴大內需？

- 換言之，中國刺激經濟方案真係杯水車薪而已；請唔好再相信Decouples論，因為全球經濟早已一體化。

- 股聖嗰艘係巨型航空母艦，你只喺揸隻小帆船。小心大部分金錢喺博反彈中冇咗。

- 過去嘅數字證明，一般人預測股市成績往往較風水佬睇流年更差，如你仍相信預測，不如搵蘇民峰好過。

John Mauldin 既Newsletter

John Mauldin 係牛眼投資法既作者，佢每個星期都有free既weekly letter, 有興趣可到下website subscribe:

http://www.2000wave.com/gateway.asp

今日佢介紹jor佢既歐洲朋友 - Niels Jensen ，嘗試用另一角度睇次按危機：(小弟嘗試將一D重要數據放係依度分享，詳文請參考John既newsletter)

1. 直升機派錢

The US monetary base has literally exploded in recent weeks and is up a staggering 38% year-on-year - the highest increase since 1939 according to my good friend Simon Hunt at Simon Hunt Strategic Services. Not entirely surprising, you might say.

2. 美國既貸款開始放鬆

Meanwhile, in the US, bank lending is already responding to Fed's tactics. Total commercial and consumer bank lending has grown by an annualised rate of almost 50% in the last month and a half. Quite impressive in an economy which is supposedly in recession.

3. 拉丁美洲及東歐比新興亞洲更差

Looking at the evidence produced in a new Goldman Sachs research paper¹, it is primarily Eastern Europe one has to worry about. Credit growth in Eastern Europe and Latin America has been much stronger than in emerging Asia (chart 2).

However, if you then look at the state of the current account (chart 3), it is evident that Eastern Europe is facing a much bigger challenge than the other two regions. Their current account deficit has grown dramatically since the turn of the Millennium and now stands at close to 10% of GDP.

This puts Eastern Europe in a very vulnerable situation. When Asia was in a similar situation back in the late 1990s, it ended in tears with currencies blowing up and consumer spending collapsing. Ultimately, though, it resulted in much improved current accounts as the weak currencies led to an export boom, but there was considerable pain before they got to that point.

4. 歐洲銀行 at risk

5. Spain is the latin juggernaunt

6. 去摃杆化繼續

7. 衰退重係開始階段

Source: http://www.investorsinsight.com/blogs/john_mauldins_outside_the_box/archive/2008/11/10/when-the-chickens-come-home-to-roost.aspx

今日曹sir (2008-11-11)

- 11月10日，周一。恒生指數升501.2，收14744.63，成交607.1億元。即月期指升537點，收14737點。 (低水)

- 今年第三季滙控業績已較去年同期更出色，第一級資本比率（Tier one）高達8.9％，超過國際標準8％水平。

- 我老曹1978年起學習波浪理論，到1997年前放棄，因發現波浪理論事後解釋幾好，但用佢推算未來，就錯漏百出。初期以為自己學藝未精，後來發現國際級波浪大師Prechter亦錯得離譜；咁樣我老曹只用作印證已發生嘅事，唔再用嚟預測未來。(其實，盡信任何一種所謂分析工具，都係危險既)

- 滬深三百指數今天升7.38％，收報1801.67，創下七周來最大升幅。三百間成分股中有四分一漲停，主力有鋼鐵廠、水泥廠及機械股，只有兩間下跌，屬典型政策市。政策市通常只會支持三幾天，小心大升後又再回落。

- 英倫銀行上周四減息一厘半後，未來世界各大銀行嘅減息消息再不能引起太大刺激嘞。

- 今年最傷嘅行業係金融服務業，未來應係能源股。

- 以三十、七十及八十年代熊市P/E見底時都係單位數去睇，依家明年P/E估計仍高達十三倍；加上企業邊際利潤2006年第三季見頂，但家吓正在收窄。P/E十三倍唔算貴，亦唔見得便宜。

- 中國經濟學家常修澤表示，擴大內需有兩個方向：一個係消費性內需；一個係投資內需。前者較後者難度要大，因為城鄉老百姓收入唔大幅提高，點樣增加消費？去 年佔六億人口嘅農民年收入只有4000多元人民幣，點樣增加內需？至於投資內需主要嚟自政府及企業，4萬億元人民幣刺激經濟方案主要係基建設施、環保及創 新型投資，對消費性內需唔一定有利。

- 唔好話信貸收縮，甚至信貸無增長，世界GDP已面對萎縮期。

- 响金融危機中，已知虧損1.7萬億美元，已入賬7000億美元，即未來仍有9000億到1萬億美元虧損要入賬（今年唔少政府批准銀行可不按市值入賬）。

投票結果

去槓桿化勢在必行，Visa/Master Card等公司營業增長會否減慢？

會 15 (88%)
唔會 1 (5%)
唔知道 1 (5%)

大家都認為 Visa/Master Card 等公司增長放慢。

--------------------------------------------------------------------------------------------------
2008-11-10

回應一下依個課題，近日睇John Mauldin 就講到原來美國人簽卡愈來愈勁！

So, did American consumers cut back on borrowing? Not if they had a credit card! Total loans from commercial banks to consumers grew by $89 billion for the 12 months ending in September. $61 billion of that was credit card debt, and the amount in recent weeks has exploded. Let's look at this analysis from my favorite slicer and dicer of numbers, data-wizard Greg Weldon (www.weldononline.com). Going with a Halloween theme:

"FAR MORE 'telling' is the LOPSIDED degree to which Credit Card balance growth is 'contributing' to total growth in Consumer Loans, a sign of intensifying 'stress' on consumers, amid accelerating job loss, home price deflation, and equity-market paper wealth devaluation.

"Even the raging Frankenstein stops to note the shockingly UGLY data details:

Commercial Banks, Outstanding Credit Card Balances ... SOARED by an eye-opening + $7.1 billion in the WEEK ending October 15th, representing a +1.9% single-week rate of expansion ... or ... nearly ONE-HUNDRED PERCENT annualized (+98.4%).

"Even more 'telling' is the 'read' acquired by contemplating the following pair of data FACTS:

* Credit Card Loans, 10 months Sep07-thru-Jul-08 ... up + $29.1 billion

* Credit Card Loans, 10 weeks Aug-08-to-mid-Oct-08 ... up + $32.3 billion

"In other words, Commercial Bank 'exposure' via the total amount of Credit Card 'loans' outstanding has risen MORE in the last ten WEEKS, than it did in the previous ten MONTHS COMBINED !!!

"Moreover, the growth in the last ten-weeks, $32.3 billion, or about $600 million per 'shopping day' since the beginning of August ... represents nominal growth of + 9.3% ... or ... + 48.3% annualized over the last ten weeks.

"According to American Express, delinquencies on credit payments rose to 4.1% of all credit outstanding in the 3Q, up from 2.5% in 3Q of 2007, with Bank of America's rate rising even more steeply, to 5.9% in the quarter.

"Moreover, the 'pool' of loans deemed 'uncollectable' rose to a high 6.7% in the 3Q, soaring from 3.6% last September."[Emphasis mine.]

What consumer spending there is has been fueled in part by credit card. Greg notes this uncomfortable piece of data: the second largest "merchant-vendor" for credit card use is now McDonalds. This suggests that many consumers are in serious distress when they need to get their $4 Big Mac and fries with a credit card.

Reference:

http://www.investorsinsight.com/blogs/thoughts_from_the_frontline/archive/2008/10/31/electing-the-janitor-in-chief.aspx

今日曹sir (2008-11-10)

- 11月9日，周日。上周泰國股市上升12.4％，台灣股市跌2.6％，理由不詳。(曹sir可愛之處就係唔會用一D佢唔明白既理由去解釋現況，反而，有D評論員通常都係事後孔明.....)

- 道指出現接近1000點回落後，周五出現「奧巴馬反彈」。迪士尼宣布，第三季純利下降13％；Morton牛扒屋話唔夠客；《華爾街日報》指出，美國人正從高風險投資、奢華嗜好、高級餐廳及名貴產品市場撤退，走向節儉！美國人終於明白節儉係美德，甚至的士乘客亦正在減少。

- 喺一片利淡消息中，美股上周五上升係因為指數已拋離200天線太多，出現技術性反彈。估計整個11月都係咁，即股市短期對壞消息反應麻木。(相信港股一樣)

- 我老曹係Economic Cycle Research Institute讀者，堅信盛衰循環理論。(Business Cycle)

- 上周五Weekly Leading Index係負24.6％，代表乜嘢？即各位準備迎接一次極速經濟放緩（或衰退）。

- 依家美國同英國已係負利率（利率低於CPI增長率），但無法阻止兩國經濟下滑。

- 零利率係咪可以解決資產負債表衰退困難？從日本過去經驗答案係No。

- 去年10月至今股市只下跌十三個月，短期反彈隨時出現，至於見底？似乎仲太早。

- 不但汽車業及房屋係咁，大部分日用品亦係咁，因此甚至降至零利率亦無法刺激美國消費者再增加消費。(日用品產能過剩，直接受影響既肯定係中國。)

- 瑞銀估計，中國明年GDP增長率只有7.5％（或更少）。政府已計劃增加鐵路項目投資及大量興建低成本住宅，去減慢明年GDP下降速度。

- 上周中國政府已要求出席秘魯財長急急回國商討對策，估計短期內中國將公布刺激經濟方案。(四萬億振興內需！)

- 中國面對海外投資價值暴跌必須撥備；進出口貿易資金回收上有困難及訂單減少情況下，明年貿易順差將大大收窄，影響中國勞工就業情況。最近中國政府已降低 出口關稅去應付，但收效未見；至於對金融、保險及證券業衝擊只要睇睇滬深三百指數跌幅已可知一二。房地產面對海外投資機構拋售、抽離資金及美國地產危機對 中國人購買意欲影響正在浮現。

- 2006年後美國人亦開始後悔買樓；2007年後英國人亦開始後悔買樓；2008年起中國人亦加入後悔買樓行列。隨住戰後嬰兒步入退休潮，各國樓價一個接一個進入回落潮。

- 由去年11月起計，美股下跌已超過十二個月，估計熊市明年年中完成，然後進入復甦。未來將出現惡性通脹、高利率及高失業率期。黃金價格如低過700美元應開始收集。(曹sir之前話反對揸黃金，依家就話可以收集，大家點睇？ Reference)

- 大三通對香港經濟影響好細，反而澳門經濟卻係雪上加霜。

今日曹 sir (2008-11-8)

- 11月7日，周五。恒生指數响13273.09獲支持反彈，至14243.43收市，較上日升453.39；成交487.96億元。11月期指升470點，收14200點仍較現貨指數低43點。

- 兩岸關係開始大大改善，睇睇以下措施：每星期有一百零八班包機來往海峽之間，唔少係每天飛一次，再唔係一星期只飛四天。台灣十一個港口與中國大陸六十三個港口貨物可互通而唔使抽稅，每月兩岸可直航貨運六十次。

- 太陽陳名句係十年黃金變爛銅。回顧1997年8月7日恒生指數16820點至今十一年有多，成績又點？1997年7月回歸後，投資股票亦係有波幅冇升幅；整整十一年啦，投資股票仍係「負回報」！(Highest in 1997 vs almost lowest in 2008...fair?)

- 今天道指分析員仍假設明年企業純利平均上升13.8％，我老曹擔心明年道指企業純利係跌1％，淡友估計係跌21％。

- 普特朗認為，如銀行繼續收緊信貸，遲早引發類似1929年式大蕭條而非衰退。佢接受霍士新聞訪問時表示，擔心奧巴馬對上述問題處理能力較殊仔更差。

- 柏克萊銀行分析員Jason Goldberg指出，上兩次信貸周期中，銀行股較信貸寬鬆期早一年見底。從呢點睇，未來一年信貸市場仍然愈來愈緊，因為銀行股仍在下跌中。

- 過去一年，分析事物最準確係Nouriel Roubini：(Source)

一、佢响10月24日估計未來美國經濟衰退係L型。
二、佢認為道指將由近日高位9600點再跌20-30％。
三、佢認為2009年秋季美國經濟才見底。
四、唔好投資商品、股票、物業，最吸引係日本政府債券，並建議响適當時刻放棄美元，改為持有歐羅。
五、佢認為全球股市進入功能失調（dysfunctional）期。
六、佢擔心情況較佢估計更壞（去年佢形容係金融列車出軌，即逐個車卡出事）。
七、退休金損失30-50％，令退休人士大受困擾。八、經此一役，好多人從此唔再涉足投資，令大氣候改變。上述猜測會否應驗？唯有騎驢看書（走着瞧）。

- 見底? 我老曹木宰羊，等佢行完a、b、c反彈浪後，再睇下一個浪點走。唔好扮先知，因世上無先知。

- 今天股市仍然如此熱鬧，唔似熊市已死。

- 一旦鎊滙下跌，英國通脹率便上升，但因為樓價下跌壓力大，政府仍將利率降至2厘。小心英鎊出現另一次危機。

- 美國政府財赤如一再擴大，最終必引發美元危機。

- 美國家吓情況肯定較1990年日本或1997年後香港差，未來點樣應付呢個資產負債表衰退所帶嚟壓力？

- 上次畢非德由1975年一直買至1985年（買足十年），問題係你有冇上述財力及耐性?!所以話，唔係人人可以做畢非德。

- 學會管錢，例如森池兄。今天唔少人先至發覺原來唔少投資銀行係唔識管錢，只知道分花紅；可惜大部分人响金融海嘯發生後才知道。

今日曹 sir (2008-11-7)

- 1月6日，周四。恒生指數跌1050.12，收13790.04；成交482.5億元。11月期指跌1043點，收13730點，期指仍然倒掛。

- 英倫銀行大手減息1.5厘，歐洲央行則減半厘，睇嚟英國同歐洲經濟俱杰過鑊粥也。

- 瑞信董事總經理陶冬話，中國政府最好嘅救市方法就係讓全國房價下跌30%，成交量才會明顯上升。(每日经济新闻)

- 紐約Depository Trust and Clearing Corp研究顯示，AIG、MBIA、Ambac Financial等出事嘅理由係因為唔公布唔受監管嘅CDS業務（例如AIG去年8月才宣布持有4400億美元CDS，9月份已進入破產邊緣）。依家市值已降至47萬億美元嘅CDS市場，到底仲會產生幾多虧損？木宰羊。雷曼、華盛頓互惠、冰島銀行嘅虧損，有90％同CDS有關。(Website)

- 當年道指由68點跌到50點，跌幅26.4％。如歷史重演，道指將由周三9654點下跌2546點，喺7100點才企穩？上述純屬我老曹猜測，毫無數據支持。

- 去年10月起美股喺可見將來都係有反彈冇牛市。十八年後今天，日經平均指數失去72％市值、土地失去81％價值，呢D種叫做「資產負債表衰退」而非「商業周期」。(Source: The U.S. Dollar: From Strength to Weakness )

- You can't control the market, please control your portfolio. 如你投資組合內冇茄殊(CASH)，都幾令人擔心。

- 銀行股係early cycle stocks（大市未見底，銀行股先見底；例如2002年10月滙豐見底，恒生指數2003年4月才見底）。假設今年10月滙豐75元係底部，恒指亦要到明年第一、二季才見底，急乜嘢？

- 如參考前科，未來美國通脹率將回落，利率維持低水平，失業率唔會急升，而美股到2010年先至會回升

今日曹sir (2008-11-6)

- 11月5日，周三。恒生指數升455.82，收14840.16；成交633.7億元。11月期指升373點，收14773點，期指倒掛現象又出現。

- 但隨住企業收入減少，純利會否亦下降？如企業純利下降，股價又點能夠上升？

- 我地便不大肯定股票現價算係便宜抑或昂貴，亦不能肯定10月份股市已見底，因為股市冇過去只有將來。

- 小心「奧巴馬震盪」出現！各位信唔信奧巴馬上台後可改變美國樓價同企業純利方向？

- 殊仔政權11月5日起變成跛腳鴨，一切已無能為力。咁搞落去，遲早動搖全球投資者對美元信心，引發美元拋售潮（令黃金進入牛市第三期），到時先至恐怖。(黃金進入牛市第三期?)

- 大選後嘅美國將愈來愈多限制，以保護本地勞工。保護貿易主義正在抬頭，中國成為首要攻擊對象，因為美國人既無錢購買中國貨，政府亦限制中國貨入口，可能因此將世界經濟推向大衰退！Tax the rich亦將令美國人減少投資，導致美國經濟進入萎縮期。

- 相信澳元仍有下跌空間，唔會因日圓減息0.2厘而停止。

- JP摩根大通、UBS及皇家蘇格蘭銀行（全球三大銀行）估計，明年全球金融危機進一步惡化，最樂觀估計復甦要到2010年才出現。

今日曹sir (2008-11-5)

昨天睇到讀者留言，對小弟既曹sir"意見"(藍色Highlight)頗有微言。係依度向各讀者說句對不起，因我既意見比較低水平！

不過，小弟成立依個Blog既目的就係想廣大既曹sir讀者集中一齊討論"投資者日記"，唔係睇完就算。當然曹sir讀者高手林立，但，總會有我依D初學者。所以我熱切希望各位踴躍參與討論，令大家加深了解"投資者日記"！(例如高手可指導初學者)

- 11月4日，周二。恒生指數升39.97，收14384.34；成交452.5億元。11月期指升223點，收14400點。(有讀者認為此數據有參考價值。)

- 10月紐約商業樓成交下跌61％，係2004年以來最差嘅一個月，估計寫字樓價格明年進一步下跌。(Reference: Bloomberg)

- 麥格理响《2007年房地產市場前景報告》認為，雖然明年亞洲房地產市場前景欠佳，但證券市場嘅估值已消化明年資產價格及租金水平將大幅下滑嘅因素（炒定先也）。(應該係2009唔係2007 Reference )

- 六十年代甘廼迪總統向貧窮宣戰，其後稅收52％用作補貼貧窮，令到美國經濟由1966年起停滯不前，典型好心做壞事。

- 根據過去慣性，新總統上任前六十日，股市通常上升（即今年11月及12月美股上升機會較大），呢段日子叫做蜜月期。但以羅斯福為例，1932年11月大選勝利當天道指68點，1933年2月佢正式上任時指數50.16，大跌28.7％。

- 仲記得台灣今年選舉結果嗎？我老曹曾跑去台灣睇選舉，回港後第一篇文章係我老曹唔睇好馬英九上台後嘅台灣股市，不幸全中！(年頭有基金重話台灣今年係黑馬，詳見2008信報月刊二月號)

- 根據香港工業總會估計，中國珠三角一帶响明年1月前將有一萬七千五百間企業申請破產。

- 中歐國際工商學院經濟學及金融學教授許小年响第二屆中國銀行家高峰論壇上認為，中國若轉為內需增長模式，明年GDP增長率可能降至7％甚至5％，因中國人消費需求受收入制約，响收入無法大升下，消費增長有限

- 花旗最近探訪深圳、廣州、成都及重慶，認為深圳樓價距離見底仍遠，9月減價15%至20％後銷量未見改善；

今日曹sir (2008-11-4)

- 11月期指升256點，收14186點。期指倒掛現象又出現，小心反彈市隨時結束。(今日收市可以驗證。)

- Contango Capital Advisors CEO George Feiger話，睇清楚2009年甚至2010年業績再講。

- 如2009年標普五百每股獲利70美元（而非一般分析員估計91.41美元），以上周五收市價計，明年P/E十三點七倍，只係過去三十年嘅平均P/E，唔見得特別偏低。(熊市唔係應該偏低？)

- Howard Silverblatt估計，明年標普五百每股獲利只有62.4美元，認為現水平股價非但唔偏低，而且係偏高。

- 本周美國好快就會有新總統，但舊問題一樣存在。至於蜜月期有幾長？木宰羊。我老曹只知道港股已進入a、b、c反彈浪（而非上升浪）。

- 2008年7月起各位要搞清楚一件事──美元並冇上升，只係其他貨幣轉弱！

- 全球各個經濟體嘅中央銀行聯合行動，同時降低利率，作用係點？(中歐國際工商學院教授許小年原文)

- 換言之，呢場風暴對亞洲區嘅影響雖然唔及1997年7月嗰場大，但復甦卻遙遙無期。

- 中國已動用財力回購在港上市嘅H股，令香港股票上周二開始止跌回升，透過刺激H股股價上升穩定A股股價，A股市場尋底已開始。

- 美國政府動用咗7000億美元救市，估計可穩定二至四個月，之後美國政府需要再攞多7000億美元救市，估計再可穩定一至三個月~

- 反之，中國响呢場金融危機中，雖然出口增長率減少，但內需卻逐漸發展起來，最終令中國經濟可獨當一面，與美國、歐盟形成三分天下局面。

投票結果 (近日很多散戶都喜歡"溝淡"，你贊成嗎?)

這次投票總共有25人參加。謝謝各位既參與！投票結果如下：

贊成	4 (16%)
反對	13 (52%)
隻隻股唔同	8 (32%)

差唔多一半人反對"溝淡"，証明大家都會遵守曹sir既意見。但係，我個人覺得其實"溝淡"都未必係錯，只要你現金充足，而你既對象係一D有實力既股，"溝淡"絕對可以考慮！

今日曹sir (2008-11-3)

- 問題係2008及09年上市公司純利仲可能較2007年跌40％至50％，今日嘅低P/E會否係明日嘅高P/E?! (對，其實P/E值係有誤導性，尢其係熊市！)

- 此所以我老曹一再強調遠離群眾。依家股市漸漸進入便宜區，但邊個敢睇好？(但係，千祈唔好以為"你睇好，我睇淡! 你睇淡! 我睇好"依種相反理論一定正確！睇得過份簡單都係死罪！)

- 恒久熊分兩階段：

第一階段一如正常熊市，例如2007年第四季經濟見頂回落引發熊市，到今年10月止，唔少人相信已反映未來經濟衰退，未來八至九個月實體 經濟衰退，股市應上升。

第二階段係因為呢次股市回落破壞咗金融體系，產生流動性凍結環境，令牛市無法形成，例如三十年代美國及九十年代日本，令股市進入 Capitulation期（即每次反彈後帶來更大拋售），而令恒久熊出現。

- 恒生指數應由10月27日10676點開始出現a、b、c反彈浪，11月股市反覆向好嘅機會都幾大。

- 10月份金價表現係二十八年內最差。年初至今金價回落14％（單係10月份跌18％）。白銀表現仲差，年初至今跌35％（10月份跌21％）。(但係，有網友話實金出現Shortage，此情況值得大家留意！Fear Factor)

- 全球去槓桿化進度加快，加上資金離開新興市場嘅趨勢，令道指表現較恒指出色。

- 隨住歐羅明年利率走向2.5厘，估計大量資金將回流美元。

- 睇嚟掛鈎性理財產品仍有一段日子「生意淡薄」，銀行來自呢方面收益大減勢必無法避免。

- 。利用滙控與恒指之間嘅關係，即假設上周滙控75元已見底，反彈到100元以下將遇阻力再回落，如明年4月滙控股價仍不低於75元，港股熊市才有機會結束。(曹sir建議明年4月才入市！)

今日曹sir (2008-11-1)

- 今年10月恒生指數係十一年嚟最差一個月，但本周上升11％，又係去年8月以嚟升幅最大一周。

- 日本經濟又再次步入衰退；10月份東京核心通脹只有1.5％（9月係1.7％），相信好快出現通縮。

- 美元又再上升。兌歐羅、英鎊、瑞郎及日圓皆上升，未因美國GDP收縮0.3％及利率下降至1厘影響。(Why?)

- 今年上半年美國信用卡提供商呆壞賬虧損達210億美元，估計未來一年半可達530億美元；家吓信用卡呆壞賬率已達5.5％。(信用卡爆破？會唔會今個月爆？)

展望未來:

一、美國房價再下降10％至15％機會好大，即次按產品還會出現新問題，債務市場還將惡化；

二、美國信用卡負債9000億美元，美國運通集團估計，無法償還貸款達20％。

- 至於汽車及其他消費債務1.5萬億美元，無法償還消費貸款數字亦在上升。

- 佢地(機構投資者)明白眼前低P/E只反映去年業績而唔係明年純利; (依樣野我絕對贊同，P/E真係只反映去年業績! 2007年係好景!!)

- 唔少4厘息、5厘息甚至6厘息藍籌股，明年亦可能減少派息，呢D係經濟衰退下必然結果，令缺乏前瞻性投資者喺今年損傷好大。(有人話HSBC就算唔賺錢都派咁多息，我唔知今年會唔會一樣)

- 本周恒指10676點係咪見底？喺未經考驗前，請唔好肯定或否定乜嘢。

- 過去歷史低位必需Re-Test。10676點必須面對考驗，企得住再算。通常需要五至七星期。

- 政府不斷向金融體系注資及減息，但通縮節節進攻下，通脹節節敗退。

- 聯儲局餘下武器只有1厘，點樣阻止二十一世紀呢場信貸收縮？

- 作為趨勢投資者你永遠唔可能喺最低價入貨，只可以喺股市見底後五到七星期先知道往往買貴10％（寧買當頭起）。

- 信心唔係由政府bailout金融機構可以解決。

- 最樂觀估計，美國最少需十季（兩年半）先重拾升軌，已較日本四年時間為短。咁樣計算，另一次復甦期要等到2011年先出現；睇嚟投資者要牛市出現仍需耐心等候。(跟 Bull Eye 作者預測差唔多，不過兩者都係"最樂觀估計"!!)

Happy Birthday!

Happy Birthday! 曹Sir!!

今日曹sir (2008-10-31)

- 恒指升1627.78，收14329.85；成交751.1億元。10月期指升1011點，收13719點，低水；11月期指升1517點，收14150點，一樣係低水。係咪代表反彈市完成？短線客要小心。(低水即係睇淡？此訊號究竟點睇？)

- 從十五分鐘乾坤燭睇，阻力區（R）喺14675點，即上升空間已極之有限【圖】。恒指响10676點完成1、2、3、4、5下跌浪，進入a、b、c 調整浪，前浪頂喺10月14日嘅17141.05，前浪底喺10月10日14398點；依家呢個a、b、c浪，能否高出10月14日高點17141點而出 現一浪高於一浪走勢，意味熊市完成？我老曹相信，由10月27日10676點開始嘅a、b、c反彈浪，最有可能响14398至17241點之間遇阻回落， 仍然擺脫唔到一浪低於一浪走勢。(唔係太明，要再消化。)

- 科網股低潮喺2003年聯儲局減息至1厘後結束，恐怕呢一次唔得，理由係2001年起減息潮令美國樓價開始向上。但呢次減息潮至今，美國仍搵唔到另一個泡沫嘅力量足以替代物業泡沫嘅地位。

- 雖然10月8日銀行減息半厘，至4.5厘，而且英鎊滙價喺10月份大跌，但仍未能吸引多D投資者入市買樓，依家已有10％樓按加入負資產行列；估計11月6日英倫銀行再減息半厘。

- 近日隆巴特利率（LIBOR）回落，唔係代表信心恢復，而係各銀行可直接向央行拆放。(今日依段關於LIBOR既段落，值得細味。)

- 美國政府嘅1600億美元注資計劃，主要對象係嗰D財政較佳嘅銀行，結果財政較差嘅銀行加快破產，美國境內銀行破產陸續有來。(想知道AIG, 兩房，依家個情怳係點？搞掂？)

- 房利美短期內須減值最少200億美元，令公司賬面值減半；減值後如須維持借出嘅款項，政府必須再注資。擔心兩房已成為美國政府兩個深不見底嘅黑洞！(曹sir答jor我，其實重有AIG)

- 從上述睇，次按危機不但未解決反而在惡化。你說怎麼辦?!

- 今天人人皆知道減息唔係好消息，唔似2001年1月嗰陣時，太多人以為減息係好消息。

- 依家G7正努力去減慢日圓升值速度（另一偽裝？）！(唔明什麼是偽裝)

- 美國眾議院金融服務委員會主席Barney Frank建議「靈活」處理FAS 157法案。現實真係太殘酷，都係戴番副面具做人好D。(神又係佢，鬼又係佢。但係，未來我地依D股民，係咪唔洗睇Annual Report 啦？)

- 股市進入Capitulation（即股價大跌及成交額大升後，出現反彈，吸引投資者入市。當購買力用光後，另一潮跌市又開始）。

- 股市係最唔聽話嘅僕人、最好嘅主人。

內需股研究

大家可以係依個Thread發表意見！

2008-10-25: 今個星期有網友提出睇 大快活(52), 大家樂(341),小肥羊(968).

昨天股市大插，睇下依D股既表現：

大快活(52) 5.900 0.050 0.85%
大家樂(341) 12.400 冇升跌
小肥羊(968) 1.490 0.010 0.67%

睇落真係唔差！

2008-10-31: 今個星期真係好瘋狂，急跌後又急升！ Anyway，睇下大快活, 大家樂同小肥羊先!
大快活(52) : $5.85
大家樂(341): $12
小肥羊(968): $1.4

普遍下跌些小，睇情況大家都係走去炒藍籌，依D股冇人記得啦!

今日曹sir (2008-10-30)

- 10月期指升260點，收12706點 (周三恒生指數收12702.07)

- 11月期指升228點，收12633點，低水。

- 家吓恒指低P/E有錯誤引導之嫌，純利包括物業重估利潤及銀行出售產品嘅非利息收入利潤。如將地產股物業重估純利剔除及銀行出售產品嘅非利息收入利潤扣掉，依家P/E七倍查實係十一倍。換言之，恒指P/E並唔係真正降至七倍以下。(其實曹sir點計？)

- 日本宣布放寬「mark-to-market」會計守則，令日經平均指數今天升7.74％，收8211.9。

- 日後日本公司會計賬目提供嘅只會係「虛假」數字；(我既愚見係依家都已經好假.....)

- 眼下呢場金融海嘯嘅慘烈程度遠非1997年所能比，中國長期依賴出口嘅情況有如1997年前嘅東南亞國家（所唔同嘅只係中國擁有大量外滙儲備）。

- 1997年亞洲金融風暴重創東南亞國家嘅情況，恐怕將喺中國出現，因為金融海嘯正由虛擬經濟擴散到實體經濟，上述正係中國經濟嘅最大弱點。 (阿爺唔掂，我地都係...................)

- 何況其他亞洲國家貨幣兌美元紛紛貶值去加強出口競爭力，只有日本同中國貨幣兌美元卻升值。中國請準備好棉衣，去抵禦即將來臨嘅寒冬吧！

- 日圓滙價上升，係由利差交易拆倉引發。

- 次按危機爆發，資金從高風險資產逃跑（flight to quality），形成資金從四面八方回流日本，包括澳元、歐羅及英鎊。

- 以報業公會為例，1994年因《蘋果日報》出現而名存實亡，報紙從此無法加價（至今仍售每份6元），邊際利潤愈來愈薄，不但令報館數目大減，加上無法賺取合理利潤，無法提升員工質素及人才流失，這已證明無秩序競爭嘅害處。

今日曹sir (2008-10-29)

- 10月28日，周二。恒生指數升1580.45，收12596.29；成交660.5億元。10月期指升1298點，收12446點，低水；11月期指升1322點，收12405點。期指倒掛現象又出現，係咪反彈市話咁快就玩完？ (尋日高水，就反彈，今日低水，又調整？)

- 證監會發現，唔少對沖基金經理提供畀投資者嘅每月報告資料並唔準確，並就此提出警告，引發今天嘅補倉潮。(每月報告資料唔準確？乜野資料？ )

- 日本政府宣布限制裸空，因過去五個交易天日經平均指數下跌18％，至二十六年新低。(政策干預從來唔work，日本解除裸空應該又跌！)

- 不過，霸菱資產管理基金經理Hayes Miller唔建議現階段增持港股，理由係港人對2009年純利估計仍太樂觀，雖然恒指P/E只有七點七倍。(究竟個P/E係Forward既P/E定係計依家個Earning?)

- 第一次全球性衰退2009年開始？從長期道指走勢睇，每上升十五至二十年便會出現一次大調整。1982年開始上升嘅道指响2000年1月見頂回落，2002年10月回升，到2007年10月又再次見頂；呢次回落會否引發全球大衰退?! (可參考Secular Bear Market)

- 由此可見，中國擴大內需對GDP增長率影響唔大，一如美國擴大出口對GDP影響唔大嘅理由一樣。

- 假設金融業係人體嘅心臟，資金係人體內嘅血液，經濟實體就係其他器官。次按危機類似「Heart-attack」，心臟面對突然停頓，雖然响政府大力挽救下心臟恢復跳動，但供血能力已減弱（類似心臟發大症），供血不足則令其他器官漸漸出現萎縮……。

- 金融業嘅責任係「借貸」，令資金喺整個經濟體系內運行不息，各器官獲充足血液供應，自然健康地操作。依家銀行「惜貸」，各器官只獲有限度血液供應，短期問題唔大，時間日久，各器官便出現萎縮現象，次按危機便進入第二階段（由影響金融業到影響實體經濟）。

- 如果唔即時加強心臟機能，向各器官提供充足血液，下一個影響就係消費萎縮，病人身體一天一天弱落去。

- 今年9月起次按危機進入第三階段。(消費萎縮!)

- 恒指本周一見10676點，低點完成1、2、3、4、5下跌浪，進入a、b、c反彈浪，短期出現一次強力反彈，過去未及時走貨者，可利用a、b、c反彈浪減持。(有冇高手可以教下大家點樣數浪？)

- 呢次上升，係超賣後大反彈抑或熊市完成？讓時間告訴各位。(曹sir應該係提示大家...........)

- 財富消失嘅速度永遠較增加快 - 例如拉斯維加斯嘅金沙，一年前市值300億美元，今天市值20億美元，一年之間蒸發掉280億美元。(尋日美股大升，佢重係尋底中)

- 我老曹睇法係：美股極有可能步1990年日經平均指數後塵，即既唔係1929年華爾街，亦非1906年道指。我老曹嘅忠告仍係持盈保泰。最後道指係回落50％完成熊市，還是回落89％才完成熊市？我老曹木宰羊，只知喺熊市中睇錯市代價好大。(贊成！要衡量Risk! )

今日曹sir (2008-10-28)

- 10月期指跌1352點，收11148點，高水，短期內响10676點將出現另一支持點，反彈即將開始。(反彈幾多日，上次我博反彈，唔夠兩日玩完。今次睇下有冇hints!)

- 今天股票市場上演「午夜兇鈴」（Margin call），斬倉貨此起彼落，慘不忍睹。

- 淡市莫估底，呢次連畢非德亦出錯，10月17日佢認為見底嘅標普五百指數至今已下跌7%。(未到15%止蝕....)

- 禁止拋空短期雖可減慢股市下跌速度，但到咗10月份反而變成加快股市回落嘅理由。(行政手段係唔work geh!)

- 日經平均指數已跌至1982年11月以來低點，時光倒流二十六年？(還原基本步？)

- 睇嚟金融海嘯已湧入中國。(重成日祈望中央救市既港澳同袍，要醒啦~~)

- 我老曹今年亦六十歲矣，十八年後會否坐响中環置地廣場，同陌生人講自2007年10月嘅恒生指數牛市!

- 花旗今天推介xxxxxx (個人遍見，我覺得依D推介全屬廢話！)

- 小心以為抵買，點知愈買愈低。

- 如油價跌穿55美元，唔少中東產油國將陷入財務危機。一個建基於高油價嘅海灣國家經濟繁榮，响油價由147美元大幅回落中將倒下！唔通要真神阿拉打救先得？(中東地區太依賴油元，並唔係好既投資！)

- 平均樓價係191600美元或2004年水平，未來應該仲有10%至15％跌幅。(一日樓價唔穩，股市都重會大上大落，至於點樣睇美國樓價？可參考羅家聰先生既文章。)

- 如此超級巨無霸、如此高人均收入嘅國家，一旦倒下，有邊個能令佢重新站起來？

- 中國經濟有能力jump start香港同澳門（例如2003年下半年），卻冇力量拖動美國。更何況呢次歐洲亦出事，可以講全球所有國家聯手，亦救唔到美國同歐洲（因美國同歐盟加起來嘅GDP佔全球50％以上）。

- 1998至2000年，中國抵抗亞洲金融風暴嘅方法係提供出口退稅，投資道路、港口、機場等建設。透過擴大出口及投資基建拉動中國GDP增長，當年美國同歐洲經濟仍然繁榮，此法十分成功。

- 呢次又如何？今天中國基建除鐵路外，其他已上晒軌道。

- 中國同日本經濟最大分別係：中國係國富民窮；日本剛相反，係國窮民富。(中國既民都有一D係好富!)

- 2007年中國人均收入只有1700美元，只較菲律賓好DD（1190美元），甚至唔及泰國（2750美元）。响咁嘅情況下，點樣擴大內需？

- 理論上，中國2007年結束GDP高增長期，並一步步下滑，情況同九十年代嘅台灣及南韓相似，而非香港同新加坡。

- 大摩亞洲區主席羅奇認為，次按危機對金融機構所造成嘅直接損失已顯現65％，但對經濟嘅影響只顯現咗20％而已。

- 有人擔心用房貸救樓市反而將內地銀行放响唔安全嘅地位（萬一未來樓價跌幅大於20％點辦？）。

- 睇嚟內地房地產寒冬不但未過去，反而只係剛開始。

今日曹sir (2008-10-27)

- 去年11月至今快十二個月，喺呢十二個月中，等待就係最好嘅策略（太陽陳話做空軍更佳）(邊個係太陽陳?)

- 依家嘅策略仲係等，雖然股聖畢非德公開叫大家入市。(Cash is King!)

- 14000點之下邊一個水平係新支持位？呢個遊戲嗰名係李小龍未完成嘅電影（即係死亡遊戲）。(有排未見底? 我依家都唔會博反彈，寧願賺少D。)

- 焦煤價已進入塞冬。(但係發電廠重係蝕錢，點解？大唐發電第三季度淨虧損)

- 嗰D博熊市反彈者個個都一頸血 (我係其中之一，賽後檢討認為自己冇睇短期訊號，輕率入市，死罪也)

- 上周五日圓兌英鎊上升12％及兌歐羅上升10％。喺咁嘅壓力下，令日經平均指數上周五下跌9.6％。(日圓強，影響出口及旅遊業？)

- 到底應繼續避險定係響應股聖號召——當人人恐懼時，自己應該貪心?! (好多人都識得係低位入，就算股價再跌，佢地都十足勇氣咁話唔驚，鬥長命! 例如有所謂"永久組合"。但係佢地可能都犯上同一錯誤，就係忘記股聖既另一規條"當人人貪心時，自己應該恐懼"，散戶從來唔知幾時出貨！ )

- 未來經濟只有兩條路：一、喺三年內大跌（由去年10月起計）；二、一如日本出現Ｌ形經濟（唔生唔死）(一定係出現日式衰退，各國政府一定不定期干預！)

- 喺狂潮中有人提議揸金，我老曹反對。(贊成，不過若跌破700，可以重新考慮實金...)

- 東歐國家正面對外資大量撤離，明年經濟增長率估計由10％降至零！再次證明外資靠唔住。

投票結果 (股聖公開話係時候入貨，你又點睇？)

今次投票有多達38人參加，係歷來最多，感謝大家既支持！

投票結果如下：

係時候 7 (18%)
有排未見底 16 (42%)
散戶唔可以跟股聖 15 (39%)

結果大家都覺得散戶同股聖係冇得比既，因為股聖買既係優先股，唔係正股。有4成以上既人覺得有排未見底，至於認為差唔多到底既係有2成。

暫時都係睇淡既居多。

至於"畢非德叫你當別人恐懼之時貪心"既理論 (因為大部份人睇淡) ，會唔會係依家岩用？

我覺得暫時未係(以香港計)，因為你身邊既人未開始失業、凍薪、冇雙糧，依家重有好多散戶溝淡，溝淡，再溝淡。係咁既情況下，重未睇到散戶"恐懼"既表現。各位高手，你又點睇？

今日曹sir (2008-10-25)

- 10月24日，周五。恒生指數大瀉1142.11，收12618.38；成交561.4億元。10月期指跌1271點，收12500點；11月期指跌1263點，收12450點。期指倒掛現象又再出現，代表後市進一步睇淡。(如果下星期開市期指高過恒指，咁又代表睇好？ 先幾日好似出現睇好，咪又係跌！)

- 滙控（005）被大摩下調目標價至580便士，响香港已大跌13%，喺倫敦進一步下跌。($85 都會失手？)

- 全球汽車大挫，擔心全球經濟將陷入大衰退。(用汽車衡量是否適合？)

- 美元走強令金價進一步回落，國際金價700美元失守，見682.4美元，向我老曹估計中650美元進軍。本周金價跌咗13％；白金跌4％，成778.35美元，本周共跌16％，進一步令人擔心通縮。(當實金下跌至6xx元，應該買入)

- 南韓股市三年內首次跌穿1000點，成938.75；指數由舊年10月31日2064.85回落至今，跌幅54.5%；本周已回落20.5%。今天LG跌9.8%，Kia汽車跌14.8%。(南韓真係頭痕，睇番年頭有D基金評論，重推薦南韓!!!)

- 日圓同美元已成為全球兩大強勢貨幣，估計強勢可維持到2009年首季，愈維持得耐，對全球經濟破壞愈大。

- 雖然畢非德叫你當別人恐懼之時貪心，但我老曹堅持响家吓環境，小心駛得萬年船。(曹sir都睇唔通後市，你如果買實股，都係小心D！)

- 各國政府不斷推出刺激經濟方案，但各國股市卻不斷下沉。

- 我老曹搵唔到未來復甦之路响邊，睇落我地將步日本九十年代後塵，進入迷失新世代! (Generation Lost?)

- 今天銀行連同業（銀行）都唔肯借錢，要佢地貸款畀中小企？你講嘢呀！

- 今天連畢非德亦睇錯市，你又可以信邊個？

- 恒生指數由1700點跌落700點後我老曹入貨，事後發現恒指竟可跌至150點。底從來都係出現之後一個月才知道，冇人能事前成功估底（包括畢非德）。(曹sir不斷重提畢非德太早入市！)

- 西方世界政府正努力阻止，並希望重新恢復信貸增長。但我老曹相信佢地最終將失敗。

- 價值投資法信徒早已認為大量股票抵買，只係手上資金愈來愈有限。

- 我老曹睇法係：股市既然可以偏高，自然亦可以偏低，抵買並唔代表可以買。

- 美國利率好快會見1厘，之後貝南奇可以用工具已十分有限，唔通真係要揸直升機去擲銀紙?

- 10月8日政府再批378億美元，擔心好快又會用晒，因為AIG為4040億美元固定收入投資提供擔保。响股市日沉下，AIG虧損在不斷擴大。(AIG 如果死，我相信股市下跌得重勁!!)

- 中國政府刺激房地產計劃估計作用唔大，因為中國經濟仲係出口導向型而非內需型。(中國轉唔轉到內需帶動？)

今日曹sir (2008-10-24)

- 恒生指數跌506.11，收13760.49，成交564.59億元。10月期指跌336點，收13770點。期指倒掛現象消失。(倒掛現象消失代表後市睇好？個人覺得此數據沒有什麼參考價值)

- 熊市第三期恒指P/E一般都喺八倍之下，最低係1974年12月更低至六點三倍。淡市莫估底，低點出現後一個月先知道。

- 油價跌5.84％，收66.75美元，呢個係去年6月13日以嚟最低. 明天油組開會，市場當油組冇料到。

- CBA歐洲公司估計，喺原材料價格下跌壓力下，澳元仍可回落17％，見50.45美仙（家吓係66.85美仙）。現價澳元不宜睇好；

- 阿根廷股市出現近兩天最大跌幅【上圖】，共下跌18％。指數回落10.1％（昨天回落11％）。擔心另一次阿根廷危機出現。(又係阿根廷？)

- 股聖畢非德認為，Be greedy when others are fearful！我老曹卻認為，小心駛得萬年船。(老曹重係認為畢非德太早入市？)

- 更何況美國樓價仍未穩定落嚟，即次按虧損仲喺度擴大而唔係收窄。

- 對美國立法者、監管者、銀行及貸款者嚟講，11月份將係另一災難月，因240億美元ARMS到期，利率將以市價計算，估計將引發大量物業斷供潮，令銀行呆壞賬又進一步上升，信貸危機不但未退潮，反而喺度惡化。(終極一跌？)

- 大手買賣股票，可能帶嚟短期利潤，但長遠嚟講一定蝕大本離場；將全球進入去槓桿化嘅大趨勢下，未來投資市場已同過去唔同，更加唔好做孖展。

- 美元滙價已完成八年熊市，今年7月起反彈。

- 道指7800點支持點能否守住？如7800點失守，將進入另一階段回落期；反之，進入上落市。

- 道指7800點係獲利能力合理水平；如純利下降，唔排除明年道指進一步回落。

- 股市見底後，Buy and Hold對一般投資者嚟講係最佳策略；反之，喺股市見頂後，Buy and Hold係最差投資法。

- 中國經濟已進入痛苦轉型期。過去三十年勞工密集工業由OECD國家轉向發展中經濟，尤其係中國，已大致完成；

- 越南正喺度搶走中國低科技行業訂單，而中國高科技行業仍喺度發育。中國呢段青黃不接期，維持幾耐？只知下一個繁榮期唔似喺明年出現。

今日曹sir (2008-10-23)

- 恒指每日乾坤燭【右圖】，前支持點（10月10日）14675點已失守，後市進一步睇淡，恐怕14000點不保。

- 面對美元減息及經濟正陷入衰退，美元滙價仲咁強，歐羅信心面對考驗。

- 中信泰富（267）事件到底係單一定係眾多上市企業其中一間？(中國人領導既公司，真係要小心。)

- 國際貨幣市場大上大落，有幾多上市企業參與外滙買賣？一旦睇錯市損失點計？作為投資者又點樣保護自己利益？一連串問題未獲解答前，恒生指數只有繼續尋底。(真係至怕"萬一"？)

- 兩者透過減稅及減息可重振，呢次較對上兩次嚴重，因減息及減稅仍起唔到作用。(減息？好似減冇可減！)

- 企業裁員潮剛開始，估計聖誕節前後先係高峰（香港相信係春節前後）。(未試過比人炒，相信你唔會知被炒既感覺)

- 中國GDP增長率今年第三季只有9％，明年可唔可以成功保八？成千萬鄉村勞工每年湧入城市，如中國GDP增長率少於8％，已可帶嚟社會唔穩定。(重係唔係會有成千萬鄉村勞工湧入城市？好似好多民工都想回鄉工作！)

- 1990年開始發展起嚟嘅影子銀行體系將大幅收縮，而唔係進一步擴大，擔心大部分銀行因此冇咗呢方面嘅利溢來源。(銀行股要睇淡?)

- 值得慶幸係今天中國嘅銀行體系已好穩定，可媲美大部分OECD國家。不良貸款比率已下降；加上中國唔使依賴外資，因此冇信心危機。大部分國企槓桿比率唔 高；加上中國消費仍在上升（雖然樓價回落及股市回落），因中國人儲蓄率甚高，只有5％中國家庭過度投資喺股市，令股市下跌影響面唔大。估計明年最低潮 時，GDP增長率可能降至7％。(股市下跌影響面唔大?? 股市下跌既影響唔單止係果D有正接參與既股民，而係果種悲觀氣氛！ )

- 有人問寫字樓又點？家吓倫敦寫字樓回報率4.5厘，情況亦唔妙。Capital Economics估計，喺2010年前回落18％。請遠離英美物業市場係我老曹嘅忠告。

- 响熊市中 , 企業宜保持較高流動比率。簡單D嚟講，流動資產應係流動負債一點五倍；任何公司流動比率低於一都要小心，各位如要喺淡市投資，宜選嗰D流動比率一點五或以上嘅公司先好投資，起碼知道佢地唔會破產。 (Current Asset/Current Liability = 1.5，問題係我地只睇到公司過去一季既流動比率!!!)

- 1997年8月至2003年4月係殺中產階級期，唔少中產人士變成負資產；去年11月起呢鋪係殺超級大戶，愈有錢愈死，真係億億聲咁蝕。

- 7月至今銅價跌幅已達50％（其中33％喺最近三十天完成），咁係代表乜嘢？(大家可以發表意見)

- 投資無涯、唯止蝕是岸。冇止蝕盤嘅投資好似冇腳嘅小鳥（最終累死自己）。今天抵買股份何其多，問題係明年經濟前景未明朗，都係忍手為上策（即最多只可動用全部資金30％）。喺熊市中股市回升25％話都冇咁易，但只有專業投資者先可以捕捉到呢D機會。 (小弟昨天都止蝕了939(Lost 15%)，博反彈不成功！)

昨天提及既內需股研究，我會另起一Topic討論，敬情留意！

今日曹sir (2008-10-22)

- 今年本港不但出現有毒債券，更有深水炸彈股票，股價喺一天之內可跌去五成；呢隻唔係二線股，而係恒指成分股。請問各位再信唔信價值投資法？ (會唔會只係個別事件？或者問題只係關於透明度？)

- 此乃繼次按風暴後，另一項動搖投資分析界信心嘅事件。(但係威力好似唔大，昨天恆指跌幅不大)

- 拉斯維加斯金沙集團已同銀行重新談判投資澳門所涉及嘅409.5億港元貸款計劃，利息係同業拆息加3.5厘，為期五年，金沙長債評級只獲穆廸公司Ba3評級及標普B+評級。(還息都唔掂)

- 美國仲有一百間地區性銀行，涉及資產8000億美元喺未來兩個月及明年可能破產，令FDIC疲於奔命。(出年重衰？)

- 估計明年中國GDP增長率只有7.3％左右，如何擴大內需成當務之急 (大家不如成立一個小組，有系統地研究內需股，有興趣，請留言)

- 凱恩斯學派又大量回朝，自由經濟學者又再失色，未來再次返回官僚控制經濟時代、赤字擴大時代、通脹率回升時代、利率向上時代及濫發鈔票時代。換言之，通縮只係短期現象，長期通脹將重臨（但不宜太早睇通脹）。(之前唔係話睇通縮？)

- 英國政府提出注資銀行計劃，到底係暫時麻醉定係萬全之策？G7聯手再次水浸金融市場，長遠嚟講唔係引發高稅率，就係再次引發通脹。(通脹相對令現金價值低)

- 去年8月起，各國濫發鈔票，令油價、金價及原材料價格出現極大波動，點解油價又再重返去年8月前嘅價格？呢點值得各位三思。(因為全球經衰退?)

今日曹sir (2008-10-21)

- 10月4日各國同意合作，10月8日全球股市仍回落，直到英國及其他歐洲政府同意向本土銀行注資，10月13日美元喺倫敦同業拆放利率開始回落，情況先漸漸穩定落嚟。

- 後市展望方面，恒指最終升穿上阻力17141點定係跌穿下支持位14398點進一步回落？ (有邊個知？)

- 澳門賭場股新濠國際（200）跌10.43％，收1.03元。澳門賭業第三季收入下降至260億元（第二季289億元），因9月1日起中國人來港旅遊不能順道去澳門玩，令澳門賭業大受影響。

- 相信中信泰富兩位高層購入澳元槓桿合約前，冇參考乾坤燭圖，令中信泰富需每月高價收取澳元（好似Accumulator）。(曹sir突然變jor乾坤燭專家？)

- 中原物業指數截至10月12日止，已重返66.27，即去年12月水平，代表今年上半年因減息所產生嘅升幅已完全唔見咗；再加上明年客觀經濟環境較差，未來十二個月本港住宅樓價仍唔可以睇好。(即係話今年年初入市都係死罪？)

- 歷史證明當散戶開始放棄之時，就係入市時機，相信係股聖畢非德上周入市嘅理由。

- 以本港為例，特區政府不但擔保銀行存款安全，同時更擔保財務公司嘅存款安全，作為存款人，點解仲收取銀行嗰一厘半息，而唔存喺財務公司收四厘息（財務公司出事，存款由政府保障）。!!!

今日曹sir (2008-10-20)

- 10月19日，周日。過去嗰個半月恒生指數出現瀑布式下瀉，事前（8月）只有乾坤燭喺8月份出現三個出貨訊號，證明乾坤燭分析大市能力超過90％所謂專家！

- 何謂一目(日?)均衡區（即日文打和點）。假如股價喺一目(日?)均衡區之上，代表只係獲利回吐；反之，如喺一目(日?)均衡區之下，只係反彈。即中移動80元水平阻力極大。乾坤燭係家吓市況下（即大升大跌）最有用既圖表；反之，喺牛皮市，乾坤燭作用唔大。利用乾坤燭圖表去分析依家既市況最適宜。

- 嗰Ｄ商場REITs股價已重返十二年到十六年前水平；其中拉斯維加斯既MGM及Trump股價更回落90％

- 利用物業加按去增加美國人消費呢條路，自今年第二季開始已行唔通。2001至07年GDP如冇物業加按因素，估計美國GDP升幅每年少於1％。後市又點睇？

- 1973年我老曹曾問一位前輩：「假如投資蝕本點好？」佢回答：「蝕本計數。」年輕時認為呢個答案太簡單，三十五年後今天才明白真諦。面對蝕本除咗計數外，可以做得乜？因此愈快計數愈好，以免讓小蝕變成大蝕。(所以拿拿聲清盤)

- 未來美元仍可減息1.5厘先到零利率，但2007／08年度美國財赤已超過1萬億美元，估計2008／09年度財赤可達2萬億美元。其瘋狂程度同九十年代日本又有咩分別？

- 股聖認為，長線而言，股市可睇好。如閣下喺1973年不幸投資港股，要到1981年年中先打和。1980年如投資黃金，今年才賺錢。(Secular Bear Market)

- 除非你有股聖智慧先可做Smart Shopping，如果唔係就學我老曹咁袖手旁觀啦，因為路仲係好滑，一唔小心便跣親；加上我地大都冇智慧，只有趁勢，唔好見到一條禾稈草就以為自己有得救。

今日曹sir (2008-10-17)

- 10月期指收14975點，跌965點。呢個情況發出二種訊號：一、期指倒掛，後市睇淡？二、10月10日低位14398點未破，仍有一線生機？(其實期指日日收市都唔同，可以作準嗎?)

- 家吓最少保持50％現金喺手至今年年底為止。

- 呢一次國際大鱷搵南韓做對象，南韓第二大銀行Woori跌9.3％、Korea Exchange銀行跌7.1％及樂天百貨（當地最大百貨集團）跌8.6％。睇嚟韓戰又開始！(又一個風暴？)

- 香港人強馬壯，外資暫時唔會攻擊，直到東南亞國家紛紛失守，最後先攻打香港（因為香港係亞太區中最堅固嘅堡壘）；

- 冰島已melted down，政府為挽救三大銀行，令每一個市民負債50萬美元（美國人唔好笑，你地只係五十步笑一百步）！當每個人負債50萬美元後，只係每年利息支出，已吃掉冰島市民大部分收入，點樣還得清？

- 過去二十五年（1982年10月至2007年10月）道指每年平均回報率12.1％；去年10月至今道指雖然已回落40％，但過去二十七年投資回報仍上升十倍或每年9.7％；上述調整幅度各位認為係咪足夠？ (點解唔夠？)

-

今日曹sir (2008-10-16)

- 美國三藩市聯儲銀行主席葉倫認為，美國已陷入衰退。(其實唔係一早預 jor架?)

- 根據哈佛大學經濟學家Martin Feldstein（佢同時係美國商業周期成員）研究，通常商品價格見底後一年經濟先復甦。

- 股市通常响衰退結束前三至六個月先見底，依家估底係咪太早?! (有D專家話其實一早已經陷入衰退，只不過政府既official唔認，大家可睇 " The Elusive Bottom By David A. Rosenberg")

- 聯儲局宣布，連同G7將採取一切有需要手段去水浸金融市場。上述行為可能引發股市短期反彈，可唔可以改變股市長期大方向？答案係唔可以。

- 花旗調低中國境內銀行純利估計，平均達20%至26％，明年再減少22%至28％。內地銀行股前景繼續睇跌，令喺本港上市內地銀行股嘅股價今天跌幅好大。(!!!)

- 有人形容依家美國經濟好似剛急救成功嘅病人，雖然已離開深切治療室，但各位唔好希望佢明天可以參加跑步。

- 1974年嘅教訓係遲入市好過早入市。

- 黑石集團CEO施瓦茨曼認為，銀行恢復健康需時（呢間公司去年6月以31美元上市，最近市價11.54美元），銀行股冇吸引力。

- 唔好忘記旺市莫估頂及淡市莫估底嘅格言。

- 我老曹估計，明年企業純利較今年大部分係負增長，擔心未來恒指P/E將回落到八倍以下，即唔少股價仲有好大下跌空間。將銀行國有化可阻止存款戶恐慌，但不能阻止英美樓價繼續下沉，搞到D銀行冇息派（呢個係政府注資令銀行股價下跌理由）。

- 如你一味想摸底，咁又點持盈保泰？我老曹冇水晶球，所以亦唔知幾時見底；只知一浪低於一浪要出貨（Top Down），一浪高於一浪才入貨（Bottom Up）。

今日曹sir (2008-10-15)

- The Selling is Over？好多人希望上述係事實，可惜我老曹睇到嘅卻係投資者已進入搵錢困難期。

- 至於牛眼投資法，又非一般人可掌握（時機及對象要把握得十分準）。

- 西方政府早已處於財赤，救市資金只由「熱空氣」產生，擔心恐慌穩定後，痛苦先至嚟（此謂之痛定思痛也）。

- Dennis Gartman認為，呢次股市反彈維持唔會太耐，建議投資者利用反彈減持

- 因為銀行同業擔心對手嘅資本充足比率不足甚至可能破產，而唔肯將資金拆放出去。透過政府注資，同業知道對手唔會破產，自然恢復拆放．令信心危機解除。

- 未來買樓再唔能夠獲次按協助，令美國樓價繼續下滑。(CDS危機持續)

- 波羅的海指數今年5月至今跌咗77％，代表未來世界貨物嘅貿易量將進入萎縮期。

投票結果

你認為現在係Secular Bear Market嗎？

是	7 (63%)
否	1 (9%)
不知道	3 (27%)

有關 Secular Bear Market 既資料我會日內補充，敬請留意。

今日曹sir (2008-10-14)

- 期指倒掛現象又再出現，擔心反彈市係好短暫。

- 上周P/E最低見八點八倍，點解我老曹仍認為係熊市二期而唔係三期？

1. 未來三年銀行純利如唔係倒退就係停滯不前
2. 物業重估利潤大幅倒退或唔存在

- 市場進入熊彼得理論（創造中嘅破壞），舊理論、舊方法及舊方式已冇用，但新理論、新方法及新方式又未出現，過去因信貸膨脹而創造出嚟嘅經濟繁榮已受到無情破壞，信貸收縮喺度引發通縮（而唔係通脹）。

- 睇嚟全球經濟衰退（明年全球GDP增長率少於2.5％）已無可避免。

- 過去二十五年財富效應變成反方向發展時，最終令美國人減少消費、唔再玩樓市泡沫及唔再先使未來錢。(VISA, MasterCard 增長會唔會減慢？)

- 中國經濟經過三十年高速增長後，擔心步入1992年台灣式經濟或1997年東南亞國家情況──即GDP由過去三十年平均年增長9％後回落。

今日曹sir

- 花旗集團認為，中國減息不利內地銀行業，但可刺激股價上升 (點解？)

- 美元減息令利差交易利潤大減，導致資金回流日本，不但影響日本產品出口，同時亦令日本海外利息收入同投資收益大減（日本已唔只係出口大國，亦係一個投資大國）；加上日本人口老化甚至減少，無法擴大內需，以及日本政府債台高築等，亦無法再投資刺激經濟。

- 美國嘅銀行同歐洲嘅銀行互相之間唔再信任，造成資金唔流暢，情況好似一個患心肌梗塞嘅人，如果唔及時醫治，最終導致死亡。

- 中國經濟改革研究基金會國民經濟研究副所長王小魯等人估計，中國未來平均年增長率為6.21％；世界銀行高級副行長林毅夫等估計係7.08％。

- 儘管結果唔同，但相同點係中國經濟高增長期係去年結束，另一問題係去年中國人均GDP亦只有2000幾美元，喺咁低收入下，如未來GDP進入低增長期，中國所面對嘅壓力，等同1997年東南亞國家面對亞洲金融風暴一樣。(好似話中國GDP少過8%失業率就會上升，睇情況中國短期都未必太好)

- 我老曹批評證監喺審批過程中實在疏忽（可能鬼子佬中文唔好），呢D產品明明係票據（Notes）點解批准各銀行以債券（Bonds）名稱出售？

今日曹 sir

- 2002年10月10日道指見7141點，到11月時已上升25.3%，其後回落；喺2003年3月12日見7397點回升，形成一浪高於一浪，牛市重臨。

- 1998年10月8日道指略低於7400點，喺聯儲局挽救計劃出台後，11月24日見9458點，升24.8%。

- 1990年10月11日道指見2344點，1991年2月19日見2955點，升26.1%。

上述三次熊市見底後，都喺首十個交易天道指回升15%。換言之，未來日子內如道指有能力回升15%，大市有機會見底；相反，如反彈幅度少於15%，擔心後市又再回落。

- 內地房地產公司至今仍未真正受過考驗，大部分係未經歷過冬天嘅初生之犢，唔似香港房地產公司久歷風霜，前者面對淘汰賽，唔知有幾多間將喺年底或明年初執笠。

- 黃金投資者宜逢高沽（因未來係通縮，唔係通脹）。至於銀行存款戶，我老曹相信本港上市銀行絕大部分安全；

- 全球經濟肯定放緩甚至衰退！上述非7000億美元挽救計劃可以改變。熊市投資策略係安全第一。正係留得青山在，哪怕冇柴燒？

今日曹 sir

- 另一方面，隔夜拆息與三個月同業拆息利率差仍在擴大，代表未來仲係好麻煩。即10月份股市繼續極之難玩。

- 至於恒生指數，相信9月18日低位附近有一定支持力度。

- 依家問題係銀行與銀行間缺乏互信，唔願向同業貸款，情況好似1907年（因1906年三藩市發生大地震引發）。其後由摩通出面作中間人（銀行借錢畀摩通，再由摩通借畀各銀行，而漸漸恢復信貸），家吓呢個位置由聯儲局或各國央行擔當。

- 呢次次按危機喺去年8月爆發，部分理由係國際會計師公會要求去年12月起所有CDO價值要Mark to Market（按市價入賬）

- 美國同日本唔同，日本響局限喺本土，外國唔受影響；美國同全球各國關係太多，令次按危機無法Decouple，更向歐洲、英國、日本及中國擴散 （香港亦不能例外）。道指連120個月移動平均數支持點（10624點）亦失守，呢條線係1982年10月美股牛市開始時所形成長期上升軌，2002年 10月及03年4月曾一度接近而守住，但喺今年10月呢條上升軌正式失守，代表1982年10月起牛市死亡，明年出現衰退已無可避免。長達二十五年道指牛 市喺今年10月份確認結束，進入超大熊市！

夏飛：
Secular Bear Market? 確定了?

今日曹 sir

- 擔心下跌浪A、B及C變成熊市正常浪，即1、2、3、4及5。9月18日可能唔係浪C而係浪3，浪4反彈後再創新低才完成浪5（上述走勢九十年代喺日經出現）。

- 7000億美元挽救計劃相對美國63萬億美元CDO市場只係杯水車薪，何況次按風暴已蔓延到歐洲及英國。

- 香港金管局家吓只擔保10萬港元已同全球趨勢脫節，為避免類似東亞銀行（023）事件重演，金管局所提供嘅擔保，應提升到100萬港元，以免香港存款流向德國、愛爾蘭、英國同美國，加重香港嘅信貸收縮壓力。

- 好在當年滙控（005）宣布挽救和記計劃，唔係和記破產，我老曹就一無所有。從此我老曹再唔信價值投資法，改信趨勢（Trends）。(Is it true? )

- 美國金融危機已過咗嗎？答案係仲有四千間中型銀行財政未健全。

- 記熟九大投資守則

一、唔好輸錢。一旦面對虧損便設法減少損失（我老曹將佢改良為止蝕唔止賺）。

二、股票市場設計係將金錢由經常性買賣者手中轉到有耐性投資者戶口中。平時遠離證券行，唔好經常炒出炒入

三、投資者需要的是氣質（Temperament）而唔係智慧。例如獨立思考、對自己有信心而唔係過分自信及控制個人情緒（我老曹改為有智慧不如追逐趨勢）

四、屋內永遠唔會只有一隻曱甴。正係福無雙至，禍不單行。去年8月次按危機後，至今金融機構接二連三出現問題，證明永遠屋內唔會只有一隻曱甴。

五 喺牛市中可長線持有，熊市中只宜拋空（我老曹改為牛市中不妨做好友，一旦熊市來臨便持盈保泰，因我老曹冇膽拋空）

六 只有基礎分析與技術分析一致先入市，投資集中優質股，入市時機用技術分析。

七 20／80定律。無論喺賭場或期指市場，贏家只佔20％，輸家佔80％。

八 學會管錢。好似賭錢咁，冇理由鋪鋪買，只有形勢最有利時先賭，同時限注（例如熊市中，只動用30％資金，牛市中才動用70％資金）Keep It Simple；唔好賭你輸唔起嘅錢，賭錢時要輕鬆而唔係搏殺；明白風險與回報關係。一如沙蟹，當形勢有利時去盡D，形勢不利時要識投降（唔好忘記止蝕沽盤）。

九 了解自己，嚴守紀律。大部分人賭錢往往輸死而唔會贏死。理由係贏錢時縮，輸錢時賭氣。成功賭徒及成功投資者便相反，就係贏錢時去盡D，一旦輸錢便縮。

今日曹 sir

因為曹sir回歸既關係，Bull Eye Investing會不定期刊出，敬情留意。睇番今日曹sir:

- 恐怕股聖亦犯咗過早入市毛病（好似1974年7月我老曹所犯既錯誤一樣）

- 通常9月同10月係最惡劣既月份，相信今年都係。恒指9月18日16283點相信係熊市二期中另一隻腳。

- 唔好忘記淡市莫估底。君不見五大投資銀行無一不敗北咩，你又想點？

- 呢次地產泡沫爆破，無論時間及跌幅仍唔及科網股，你信唔信咁順攤？ (PS:地產泡沫係一切 泡沫之母)

- 情況好似1921年8月道指由63.9一直升到1929年9月381.17，上升四點九倍後泡沫爆破，邊個都救唔番，美國經濟擺脫衰退係第二次世界大戰爆發消化美國過剩既生產力開始。(PS: 唔會要爆發第三次世界大戰卦？)

- 估計中國喺明年前甚至2010年仍未能完成經濟轉型期

- 只要其中5％出問題 (美國41萬億美元積務危機)，情況已較今年更惡劣。何況救市猛藥已用得七七八八，後遺症卻喺明年浮現。

-呢次危機歸形成係降低房貸門檻，出現唔正當零首期按揭代價。情況同八十年代日本雷同；與1997年前香港相似，相信結果都係一樣（日本用咗十三年時間去清理呆壞賬，香港用咗六年半；估計美國最快亦要三年）。

今日曹sir

今日講 Bull Eye Investing 既 Chapter 4，重點如下：

1. 有個叫 Michael A. Alexendar 既人係2000年寫 jor 本關於Stock Cycles既書，解釋 Stock Cycle 同 Long Wave Theory (曹sir話依個Theory幫佢執唔少)。
Stock Cycles (Amazon Book Store)

2. Michael 話 Long Wave Cycle (56 to 60 years one cycle)其實包括了：

a) 1個Bull + 1個Bear (受財政 Monetary Policy影響), 加上；

b) 1個Bull + 1個Bear (受真實數據影響)

我地依家係咪係"受財政影響"既 Bear Market呢？

3. Michael 話 2007 年 "End of Boom!!" (佢係2000年寫依本書 !)

4. Innovation Cycle (可以參考下面既 References)

5. 尋找"Next Big Thing!" ，尋找繼資訊科技之後既"重大"科技發展！

Some Further References:

The Innovation Wave and Secular Market Trend

John Mauldin on Innovation Wave

今日曹 sir

尋日同大家大概描術了作者所謂既 "Secular Bear Market". 今日再睇睇 Chapter 2 既一D重點。

1. Dow Jones (1964 ~1981) (上一個 "Secular Bear Market") - 有波幅、冇升幅


Dow Jones (1982 ~2000) (Last "Secular Bull Market") 大升幅


2. 熊市GDP升幅重大過牛市！ (P.27)
3. 一個完整股市Cycle係平均28年 (P.30)
4. 最重要如何揀股！(Chapter 16 ~ Chapter 18)
5. Profit, Growing Economy & rising Stock Market -> 冇直接關係！
6. Short yield > long yield, 短息多過長息係衰退指標！通常出現此情況一年就衰退！

有時間大家不訪到以下既 Link 睇睇：
Dynamic Yield Chart

2000 年尾至2001年頭出現此現象 (S&P 2001年中開始下跌)
2006 年尾至2007年中出現此現象 (S&P 2007年尾開始下跌)

7. Next 7 to 10 years (Secular Bear Market, count from 2004)
8. Mutal Fund, Index Fund -> 千萬不要投指數基金，因為唔會有profit!

投票結果

你認為未來係通脹定通縮?

總數： 14 人
認為係通脹: 4 人
認為係通縮: 10 人

即70%以上既人認為通縮。你又點睇？

今日曹 sir

前幾日因工作比較忙，未能update，希望唔會減低你地對個blog既興趣啦！

回正題，之前個post話係Secular Bear Market投資，好大機會損手，其實作者有何理據呢？係Chapter 1，作者引用了以下例子：

１. MPT - Modern Portfolio Theory的缺憾

２. Yale Professor - Robert Schiller's must read book "Irrational Exuberance"

3. 年齡 vs P/E

Modern Portfolio Theory:
即係買入持有(Buy and Hold)，分散風險(Diversify)，由不同投資產品組成既Portfolio。作者話，係牛市就Work，Secular Bear Market就死更。點解？

1. Time 時間
MPT最重要既野係時間，但係如果係一個有波幅冇升幅既市，最後你hold既投資產品都係冇或甚至負回報！(e.g. 你係1966年 (PS:上一個Secular Bear) 投資S&P 500，你要26年後先有錢賺!)

2. 分散風險(Diversify)
最近都有聽過話中國同US Decouple，最後咪一樣跌跌跌。所以，切忌亂咁分散！

3. 假設 Assumptions
MPT係base-on假設。假設每年回報6%,15%,25%，咁30年後你就有幾多錢啦。Secular Bear Market係冇咁既回報既。

Yale Professor - Robert Schiller's must read book "Irrational Exuberance"
依本書又講D乜？好簡單，Market 永遠有boom & brust，永遠冇理性投資者。跟據佢既study ，其中一樣比較有趣既係Dividend 同 Stock Price既關係。睇佢plot既圖，未來美股有排回落。
(Bull Eye Investing P.17)

年齡 vs P/E
依個study係由幾個econ professors做既。(John Geanakoplos, Michael Magill, Martine QuinZii)
佢地依個study係想了解年齡 vs P/E既關係，佢地發明jor樣野叫做 "Cohort Ratio"，依個ratio係一個根據唔同年齡既人口比例做既分析。 結果發現依個ratio同S&P P/E好有關聯，睇佢個chart, 我地將會由2000年既P/E 30 跌到20年(2020) 後既 ........... 5 至 16!

依本書係寫係2004年，到依家2008，睇落我地真係活係 Secular bear market!

今日曹 sir

尋日講話依家我地係身處有可能長達10幾年既熊市！聽落好似好恐怖，咁其實身處熊市又有冇關係？ 作者話比地知:

係Secular Bear Market ，平均每年回報只有不到1%！

即係話你係2000年買股票，到熊市結束時(e.g. 2012)，你基本上係LOST!

今日曹sir

診今日曹sir放假(好似放多一個星期)，就同大家分享一下讀 "Bull's Eye Investing" 既心得。

成本書冇教你邊隻股會升，即係冇Tips! 反而就介紹一系列用睇Trend，大方向既方法去制定投資策略。

大方向
作者開宗名義同我地講：

We are in "Secular Bear Market" right now.

根據作者提供既資料，我地經曆緊依個Bear Market，有機會持續多4，5年 (2012,2013)。因為依個熊市既開始時間係2000年。(2000年開始？你當2003~2007年個升市死架？)

唔洗咁心急 , 聽日我再繼續講依個Secular Market對我地投資策略既影響。