今日曹sir (2008-10-22)

- 今年本港不但出現有毒債券，更有深水炸彈股票，股價喺一天之內可跌去五成；呢隻唔係二線股，而係恒指成分股。請問各位再信唔信價值投資法？ (會唔會只係個別事件？或者問題只係關於透明度？)

- 此乃繼次按風暴後，另一項動搖投資分析界信心嘅事件。(但係威力好似唔大，昨天恆指跌幅不大)

- 拉斯維加斯金沙集團已同銀行重新談判投資澳門所涉及嘅409.5億港元貸款計劃，利息係同業拆息加3.5厘，為期五年，金沙長債評級只獲穆廸公司Ba3評級及標普B+評級。(還息都唔掂)

- 美國仲有一百間地區性銀行，涉及資產8000億美元喺未來兩個月及明年可能破產，令FDIC疲於奔命。(出年重衰？)

- 估計明年中國GDP增長率只有7.3％左右，如何擴大內需成當務之急 (大家不如成立一個小組，有系統地研究內需股，有興趣，請留言)

- 凱恩斯學派又大量回朝，自由經濟學者又再失色，未來再次返回官僚控制經濟時代、赤字擴大時代、通脹率回升時代、利率向上時代及濫發鈔票時代。換言之，通縮只係短期現象，長期通脹將重臨（但不宜太早睇通脹）。(之前唔係話睇通縮？)

- 英國政府提出注資銀行計劃，到底係暫時麻醉定係萬全之策？G7聯手再次水浸金融市場，長遠嚟講唔係引發高稅率，就係再次引發通脹。(通脹相對令現金價值低)

- 去年8月起，各國濫發鈔票，令油價、金價及原材料價格出現極大波動，點解油價又再重返去年8月前嘅價格？呢點值得各位三思。(因為全球經衰退?)