2009-02-23 (道指下一站6000點)

- 2月22日，周日。銀行股已成為「累人累物」之板塊，拖累整個股市下沉。上周五道指已創新低，唔知嗰D認為「牛市」重臨者點樣自圓其說矣。花旗、通用電氣、通用汽車、美國銀行皆大跌，愈係大藍籌愈畀人質；反之，唔少二線股卻守得住。

- 東歐國家唔少2001年起計劃加入歐盟，而獲得歐洲銀行大量貸款支持，2008年起卻風雨飄搖，亞洲地區國家2009年亦面對出口減少30-40%，令人擔心我地面對嘅唔止係衰退，仲可能出現蕭條！

- 過去五十二個星期，共二千七百二十五隻美股表現優於標普五百，其中二千三百五十六隻係二線股。

- 其中又以金融、原材料及消費產業最差。

- 美國經濟前景繼續惡化，最致命傷係嗰D「依賴資產價值支持嘅證券」（asset-backed securities），喺全球去槓桿化大趨勢下冇法子唔跌，分別只喺跌多定跌少。

- 令人擔心嘅係，道指下一站將見6000點。2009年1月美國出現近三十五年內最多人失業嘅一個月，依家已有超過五百萬美國人失業，消費信心進入極低潮，恐怕道指見6000點乃不久將來嘅事。

- 世界經濟秩序將進入重整，銀行系統無法履行合約，將引發數以萬計企業破產，數以百萬人失業（估計全球失業人口達一億人）。咁樣，即使今年大市經調整過後，2010年仍會出現另一次大
跌市，即低潮喺2010年才出現

- 大部分回落趨勢（Downtrend）都以ABC浪完成。去年10月完成A浪，依家行緊B浪，未來仲有C浪。

- 上周銀行股表現勁差，而金價繼續上升。購金者對經濟前景憂慮，但經濟前景同時面對 Credit Deflation 壓力；當信貸減少後，商品價格及服務需求減少，遲早跌價。

- 我老曹雖唔反對大家小量揸金，但大手吸納可免則免。

- 我老曹睇唔到未來金價可為各位帶來一倍利潤嘅機會，一旦恐懼感消除，金價又將再回落。上周金價最高見1006美元，後市點睇？

- 2001年起世界係咪進入七十年代式高通脹期？答案係否定嘅，因通脹呢頭怪獸响1980年已被雪茄伏用22厘息殺死（1980年CPI升幅14%）。

- 估計今年第一季美國消費減少12％（去年第四季減少6.3％），以汽車業所受打擊最大（今年1月平均每千美國人只購入三十一點一架車，去年2月係五十點三架），上述調整估計需時二到三年才完成。

- 世界開始「Re-Balancing」，即歐美國家減少消費、增加儲蓄；中國增加消費、減少儲蓄。

- 中國政府宣布為海外石油投資企業提供19500億美元低息貸款。

- 上述方案又為投資界提供唔少賺錢機會。

- 換言之，呢次西方嘅次按風暴，對西方係「危」，對中國係「機」。2011年後中國經濟更強更有力。石油處於低價，正係中國增強能源來源嘅好時機。

- 估計美國衰退期仲有一兩年，足夠中國大手吸納低價原材料，令未來中國唔再受原材料漲價嘅威脅。

- 全球投資賭場股嘅人輸得幾慘，邊個話開賭肯定發達？經濟衰退壓力下，無論拉斯維加斯、大西洋城或澳門賭場無一幸免。

- 但未來澳門仍有唔少賭場在興建中，我老曹真係唔知道佢地點樣度過呢個經濟冬季？