2009-03-09 (嫁咗老公生埋仔)

- 上周最多人問係滙控（005）供唔供。我老曹答案係供，但唔代表睇好2009年滙控表現，因為歐洲業務正在惡化中。

- 今天最令人擔心嘅噩夢，就係資產跌價嘅漩渦（Asset deflation spiral）已經開始，唔少資產被迫賤價出售，令其他人嘅資產負債表情況亦惡化而被迫跟住出售……並漸漸形成一股漩渦。因為賣家愈來愈多，而買家日漸減少，進入賤物鬥窮人時代。

- 今天嘅BRIC已變成 BIC（冇咗俄羅斯），但仍有人相信油價在可見將來可大升，而唔信「油價峰頂論」（Peak Oil）（即其實高油價時代已死亡）。(油價是否可以再高?冇人知。實際係，油價跌到依家$40，對比再生能源，變得好平，要再發展再生能源既誘因，又減少。係沒有其他平價能源出現既時候，油都重係必需。)

- Absolute Return Partners 負責人 Niels Jensen認為，歐洲銀行正命懸一線，另一個危機在醞釀中，建議投資者應遠離各歐洲銀行，因為歐洲銀行(HSBC?)槓桿比率較美國嗰邊嘅銀行更高！

- 全球銀行危機引發美元短缺，此乃美元自去年7月起表現強勢嘅理由。我老曹相信，美元喺可見將來仍維持強勢。

- 今時今日各位已唔使再擔心衰退矣，皆因經濟正陷入蕭條期！

- 歐洲央行到底可以向東歐國家say no 幾耐？歐羅所面對嘅危機早已超過美元。

- 環球股市繼續回落（尤其係金融股），代表我地距離經濟見底日子仍遠；不過熊市二期內另一隻腳估計好快出現。

- 美元已成為新嘅避難所，因為世界十三大中央銀行仍需要大量美元作為「儲備」，以便增發當地鈔票。

- 作為政府，應鼓勵企業精神及創意，而唔應該用高稅率打擊企業精神及創意。