股場賺錢唔易

高盛第二季純利34億美元，係上市以來最多一季；而發放花紅，平均每位僱員可獲60萬美元（當然唔係平均分配）。

另一方面，CIT卻面對破產命運。兩間都係金融機構，表現卻可以咁極端！從通用汽車申請破產到比亞迪（1211）發展電動汽車引發股價狂升，證明寬鬆貨幣政策下，實體經濟在萎縮而虛擬經濟却極之吸引投資者。

中國今年上半年出口減少22%，响新增貸款上升201%情況下，物業出售額上升53%。汽車銷售上升17%、零售上升15%，令GDP第一季上升6.1%、第二季上升7.9%。估計第三季上升8%或以上、第四季上升9%，中國今年經濟成功出現V形反彈（Too good to be true）。

我老曹再次強調，圖表只能用作分析個別股份走勢。

從3月到6月嘅美股上升，到底係熊市反彈定係綠芽？

理論上，美國樓價喺2012年前無法見底；何況美國失業率仍上升中，但6月份新屋動工量又回升，今年3月起採用嘅量化寬鬆貨幣政策，能否扭轉美國經濟大方向？

香港經濟經過三浪上升後擔心已進入A、B、C下跌浪，第一個巨型下跌浪由2007年10月開始到2008年10月結束；可能係巨型下跌浪中嘅浪A，跌幅達到66.5％。

通常喺大跌市之後未來十二個月，恒指可出現一段幾大升幅嘅日子（例如1984年7月13日至1985年8月19日，恒指升幅達129.4％；1989年6月6日至1990年7月23日，恒指升幅76％；1995年1月23日至1996年2月16日，恒指亦回升68.3％；1998年8月13日至1999年7月5日，恒指升幅達到122％；2003年4月25日至2004年3月1日上升68％。過去五次恒指大跌後嘅反彈平均升幅達到92％）。

1973／74年及1981／82年二次香港經濟大衰退後，雖然恒指由1974年12月至1976年3月從150點上升到465點（升幅210％），實體經濟要到1978年先繁榮起來。

市場開始把富人分類——有錢有智慧者，仍然可以繼續富有落去；反之，只憑一時勇氣亂博一通而一朝發達者，卻面對淘汰，例如1997年嘅神童輝就係典型有勇無謀者。

世界銀行主席佐利克畀G8嘅信認為，今年下半年經濟仍十分嚴峻，同時亦唔肯定復蘇可以喺明年出現。滙控（005）主席葛霖認為，雖然金融危機發生快二年了，但最惡劣嘅日子仲未過去！

不過，今年6月美國人儲蓄率已重返7%，擔心明年更進一步上升到9%。2003到2007年美國消費者共借入7萬億美元作為消費用，到去年已頂唔順，借錢消費已大減。